କେନ୍ଦୁଝର: ରାଜ୍ୟରେ ବର୍ତ୍ତମାନ ସୁଦ୍ଧା କୋରୋନା ଆକ୍ରାନ୍ତଙ୍କ ସଂଖ୍ୟା 42 ଛୁଇଁଥିବା ବେଳେ ଜଣେ କୋରୋନା ଆକ୍ରାନ୍ତଙ୍କ ମୃତ୍ୟୁ ଘଟିଛି । ଯାହାକୁ ଦେଖି ମହାମାରୀ କୋରୋନାର ମୁକାବିଲା କରିବା ପାଇଁ ପ୍ରତି ପଞ୍ଚାୟତରେ ସ୍ତରରେ ଅସ୍ଥାୟୀ ଚିକିତ୍ସା କେନ୍ଦ୍ର ପ୍ରସ୍ତୁତି କରିବା ପାଇଁ ସରକାର ନିର୍ଦ୍ଦେଶ ଜାରି କରିଛନ୍ତି । ଏଥିପାଇଁ କେନ୍ଦୁଝର ଜିଲ୍ଲା ଘସିପୁରା ବ୍ଲକ କେଶଦୁରାପାଳ ପଞ୍ଚାୟତ ତରଫରୁ ବାଳିକା ବିଦ୍ୟାଳୟରେ ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ର ପାଇଁ ପ୍ରସ୍ତୁତ କରାଯାଇଛି।
ଘସିପୁରା ବ୍ଲକରେ କୋରୋନା ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ର
ନୋଡାଲ ଅଫିସର ଉପସ୍ଥିତ ରହି କାର୍ଯ୍ୟର ତଦାରଖ କରିଛନ୍ତି । ସରକାରଙ୍କ ଗାଇଡଲାଇନ ଅନୁସାରେ, ୫୦ ଟି ବେଡ୍, ପାଣି, ବିଦ୍ୟୁତ, ଫ୍ୟାନ,ଇନଭୋଟର, ଫିଲଟର ଓ ଡଷ୍ଟବିନ୍ ଆଦି ସମସ୍ତ ଉପକରଣ ପ୍ରସ୍ତୁତ ରଖାଯାଇଛି । କୋରୋନା ମୁକାବିଲା ପାଇଁ ଆମେ ପ୍ରସ୍ତୁତ ରହିଥିବା କାର୍ଯ୍ୟକାରୀ ସଦସ୍ୟ ପର୍ଶୁରାମ ମହାରଣା ସୂଚନା ଦେଇଛନ୍ତି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
