କେନ୍ଦୁଝର: ଥମୁନି ହାତୀଙ୍କ ଉପଦ୍ରବ । ଚମ୍ପୁଆ ରେଞ୍ଜରେ 22 ଟିକିଆ ହାତୀ ପଲଙ୍କୁ ଦେଖିବାକୁ ମିଳିଛନ୍ତି । ଯାହାକୁ ନେଇ ଭୟଭୀତ ଗ୍ରାମବାସୀ ।
ଗାଁ ଭିତରେ ହାତୀ ଉପଦ୍ରବ, ନିରବଦ୍ରଷ୍ଟା ବନବିଭାଗ
ସୂଚନା ଅନୁସାରେ କେନ୍ଦୁଝର ବନଖଣ୍ଡ ଅନ୍ତର୍ଗତ ଚମ୍ପୁଆ ରେଞ୍ଜ ଅଞ୍ଚଳର ସଲାଗୁଡା ଗ୍ରାମ ମଧ୍ୟକୁ ଏକ 22 ଟିକିଆ ହାତୀ ପଲ ପଶି ଆସିଛନ୍ତି । ଏହି ବଣୁଆ ହାତୀ ପଲ ଗ୍ରାମ ମଧ୍ୟକୁ ପଶି ଘର ଭାଙ୍ଗିବା ସହ ଧାନ ଚାଉଳ ଖାଉଛନ୍ତି ଓ ବ୍ୟାପକ ଫସଲ ମଧ୍ୟ ନଷ୍ଟ କରିଛନ୍ତି ।
ହାତୀ ପଲକୁ ଘଉଡାଇବା ପାଇଁ ଗ୍ରାମବାସୀ ପ୍ରୟାସ ଜାରି ରଖିଥିବା ବେଳେ ହାତୀ ପଲ ତାଙ୍କର ଉପଦ୍ରବ ଜାରି ରଖିଛନ୍ତି । ଜଙ୍ଗଲ ବିଭାଗକୁ ଗ୍ରାମବାସୀ ଜଣେଇଥିଲେ ମଧ୍ୟ କୌଣସି ସୁଫଳ ମିଳି ପାରି ନାହିଁ । ତେବେ ଏନେଇ ଜଙ୍ଗଲ ବିଭାଗ ଅଧିକାରୀଙ୍କ କୌଣସି ପ୍ରତିକ୍ରିୟା ମିଳିପାରି ନାହିଁ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
