କେନ୍ଦୁଝର: ଘଟଗାଁ ଥାନା ଅନ୍ତର୍ଗତ ଢେଙ୍କିକୋଟ କୋଦରବେଡା ସାହି ନିକଟରେ ଅପରାହ୍ନରେ ହୋଇଥିବା ବଜ୍ରପାତରେ ଏକ ପରିବାରର ତିନିଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ଏହି ତିନି ଜଣ ମଧ୍ୟରୁ ସ୍ୱାମୀ ସ୍ତ୍ରୀ ଓ ଚାରି ବର୍ଷର ଶିଶୁକନ୍ୟା ଥିବା ଜଣାପଡିଛି । ଏକ ଯାଯାବର ଗୋଷ୍ଠୀ ଟିକିରା ନିକଟସ୍ଥ ଉକ୍ତ ସାହି ନିକଟରେ ପାଲ ଟାଙ୍ଗି ରହୁଥିଲେ ।
ଅଚାନକ ବର୍ଷା ହେବା ଯୋଗୁଁ ଏହି ପରିବାରର ତିନିଜଣ ନିକଟସ୍ଥ ଗଛ ନିକଟରେ ଆଶ୍ରୟ ନେଇଥିଲେ । ଏହି ସମୟରେ ବଜ୍ରପାତ ଯୋଗୁଁ ତିନିଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ଖବର ପାଇ ଢେଙ୍କିକୋଟ ଫାଣ୍ଡି ପୋଲିସ ପହଞ୍ଚି ମୃତଦେହ ଜବତ କରିବା ସହ ବ୍ୟବଛେଦ ପାଇଁ ଘଟଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଛି ।
କେନ୍ଦୁଝରରୁ ସନ୍ତାେଷ କୁମାର ମହାପାତ୍ର, ଇଟିଭି ଭାରତ
