କେନ୍ଦୁଝର: କୋରୋନାର ଦ୍ବିତୀୟ ଲହରର ପ୍ରକୋପ ଜାରି ରହିଛି । ଏହା ମଧ୍ୟରେ କେନ୍ଦୁଝର ଜିଲ୍ଲା କାରାଗାରରେ ୯ ଜଣ କଏଦୀ ଓ ଜଣେ କର୍ମଚାରୀ କୋରୋନା ପଜେଟିଭ ଚିହ୍ନଟ ହୋଇଛନ୍ତି ।
୯ କଏଦୀ ଓ ଜଣେ କର୍ମଚାରୀ କୋରୋନା ଆକ୍ରାନ୍ତ
ଗତ କିଛି ଦିନ ତଳେ ଜଣେ ଅନ୍ତେବାସୀ କୋରୋନା ପଜେଟିଭ ଚିହ୍ନଟ ହୋଇଥିଲେ । ଏଥିପାଇଁ ତାଙ୍କ ସହ ରହୁଥିବା 30 ଜଣ ଅନ୍ୟ କଏଦୀଙ୍କ ନମୂନା ପରୀକ୍ଷା କରାଯାଇଥିଲା । ସେମାନଙ୍କ ମଧ୍ୟରୁ ୯ ଜଣଙ୍କର କୋରୋନା ରିପୋର୍ଟ ପଜେଟିଭ ଆସିଥିବା ଜଣାପଡିଛି । ପଜେଟିଭ ବାହାରିବା ପରେ ଏହି ୯ ଜଣଙ୍କୁ ଜେଲ ପରିସରରେ ଥିବା ସ୍ବତନ୍ତ୍ର କୋଠରୀରେ ରଖାଯାଇ ଚିକିତ୍ସା କରାଯାଉଛି ।
ଏପଟେ ଅନ୍ୟ ୨୧ଜଣଙ୍କୁ ସଙ୍ଗରୋଧରେ ରଖାଯାଇଛି । ଅନ୍ୟ ଅନ୍ତେବାସୀ କିପରି ଆକ୍ରାନ୍ତ ନ ହୁଅନ୍ତି ସେନେଇ ସ୍ବତନ୍ତ୍ର ବ୍ୟବସ୍ଥା ସହ ନୂଆ ଗାଇଡ଼ଲାଇନ ଅନୁଯାୟୀ ଜେଲ ଅନ୍ତେବାସୀ କମେଇବା ନେଇ ମଧ୍ୟ ପକ୍ରିୟା ଚାଲିଥିବା ଜେଲର ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
