କେନ୍ଦୁଝର: ହରିଣ ଶିକାର ସମୟରେ 6 ଜଣ ହରିଣ ଶିକାରୀଙ୍କୁ ଗିରଫ କଲା ବନବିଭାଗ । ତେଲକୋଇ ବନାଞ୍ଚଳ ଅଧିନ ମଧ୍ୟପୁର ଗାଁ ନିକଟ ସମାକୋଇ ସଂରକ୍ଷିତ ଜଙ୍ଗଲରେ ଶୁକ୍ରବାର ସନ୍ଧ୍ୟାରେ ବିଦ୍ୟୁତ ତାର ରେ ଫାଶ ଲଗାଇ ହରିଣ ଶିକାର କରୁଥିବା ସମୟରେ ଖବର ପାଇ ବନବିଭାଗ ଘଟଣା ସ୍ଥଳରେ ପହଞ୍ଚିଥିଲା । ବନବିଭାଗ କର୍ମଚାରୀଙ୍କୁ ଦେଖି ଶିକାରୀ ମାନେ ଦୌଡ଼ି ପଳାଇ ଥିଲେ ।
ହରିଣ ଶିକାର କରି ୬ ଗିରଫ
ସେମାନଙ୍କ ମଧ୍ୟରୁ ଦୁଇଜଣଙ୍କୁ ଧରିବାରେ ସକ୍ଷମ ହୋଇଥିଲେ ବନ କର୍ମଚାରୀ । ଘଟଣାସ୍ଥଳରୁ ଦୁଇଟି ହରିଣ ଗୋଡ ସହ ଲାଞ୍ଜ ଓ ଟାଙ୍ଗିଆକୁ ଜବତ କରି ଦୁଇ ଜଣଙ୍କୁ ଅଟକ ରଖି ପଚରାଉଚରା ପରେ ଗିରଫ କରିଥିଲେ । ଏବଂ ଅଧିକ ତଦନ୍ତ ପରେ ଆଉ ୪ ଜଣଙ୍କୁ ମଧ୍ୟପୁର ଗାଁରେ ରାତିରେ ଚଢାଉ କରି ଘରୁ ଗିରଫ କରିଥିଲା ବନବିଭାଗ । ଛଅ ଜଣକୁ କୋର୍ଟ ଚାଲାଣ କରାଯାଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
