ଆନନ୍ଦପୁର: କେନ୍ଦୁଝର ଜିଲ୍ଲା ମଧୁବନ ଗାଁରେ ଅଭାବନୀୟ ଘଟଣା । ପୋଖରୀରେ ବୁଡି ଦୁଇ ନାବାଳିକାଙ୍କ ସଲିଳ ସମାଧି ହୋଇଛି । ସେପଟେ ନାବାଳିକାଙ୍କୁ ଉଦ୍ଧାର କରି ଡାକ୍ତରଖାନା ନେବା ସମୟରେ ଅଟୋ ଓଲଟି ସୁରେଶ ମହାକୁଡ ଓ ପଦ୍ମନୀ ମହାକୁଡ ଗୁରୁତର ଆହତ ହୋଇଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଆନନ୍ଦପୁର
ସୂଚନାଯୋଗ୍ୟ, ଜିଲ୍ଲା ସୋସୋ ଥାନା ଅଞ୍ଚଳର ମଧୁବାନ ଗାଁର ସୁନିତା ଓ ଅନୁସୟା ନାୟକ ପୋଖରୀରେ ଗାଧୋଉଥିବା ବେଳେ ବୁଡିଯାଇଥିଲେ । ତେବେ ପରିବାରୁ ପକ୍ଷରୁ ଦୁଇ ଶିଶୁଙ୍କୁ ଉଦ୍ଧାର କରି ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ଅଟୋରେ ଆଣୁଥିଲେ । ତେବେ ହଠାତ ଅଟୋ ଓଲଟି ପଡି ଦୁର୍ଘଟଣାଗ୍ରସ୍ତ ହୋଇଥିବା ବେଳେ ମୃତ ସୁନୀତାଙ୍କ ବାପା ମାଆ ଏଥିରେ ଗୁରୁତର ଆହତ ହୋଇଛନ୍ତି ।
ସେପଟେ ଘଟଣାର ଖବର ପାଇ ଅଗ୍ନିଶମ କର୍ମଚାରୀ ସେମାନଙ୍କୁ ଉଦ୍ଧାର କରି ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଏଥିସହିତ ଘଟଣାର ତଦନ୍ତ କରୁଛି ପୋଲିସ ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
