କେନ୍ଦୁଝର: ବାଇକ ଦୁର୍ଘଟଣାରେ ୨ ଯୁବକ ମୃତ । କେନ୍ଦୁଝର ସଦର ବ୍ଲକ ଅନ୍ତର୍ଗତ଼ ୨୦ନମ୍ବର ଜାତ଼ୀୟ ରାଜପଥ ବନାଯୋଡ଼ି ନିକଟରେ ଘଟିଛି ଅଘଟଣ ।
ଏକ ୟାମାହା ଆର୍ ୱାନ୍ ୧୫ (ଓଡ଼ି-୦୯-ଏନ୍-୭୯୮୬) ବାଇକ୍ ଭାରସାମ୍ୟ ହରାଇ ବାରିକେଟରେ ପିଟି ହେବାରୁ ଦୁଇଜଣ ଯୁବକଙ୍କ ମୃତ୍ୟୁ ଘଟିଛି। ମୃତ ଜଣକ ପରିଚୟ ବଡ଼ବିଲ ଥାନା ଝଡ଼ାଗାଁ ଗ୍ରାମର ଶୁକନନ୍ଦ ନାଏକଙ୍କ ପୁଅ ଅକ୍ଷୟ ନାଏକ ବୋଲି ଜଣାପଡ଼ିଛି । ଅନ୍ୟ ଜଣଙ୍କ ପରିଚୟ ମିଳି ପାରିନାହିଁ ।
ମୃତକ କେନ୍ଦୁଝର ଅଭିମୁଖେ ଯାଉଥିଲେ । ବନାଯୋଡ଼ି ନିକଟରେ ବାଇକ୍ ବ୍ରେକ୍ ହଠାତ୍ ମାରିବା ଭିତରେ ବାରିକେଟରେ ବାଡ଼େଇ ହୋଇ ଘଟଣାସ୍ଥଳରେ ଜଣଙ୍କ ମୃତ୍ୟୁ ଘଟିଛି । ଅନ୍ୟ ଜଣକ ଜିଲ୍ଲା ମୁଖ୍ୟ ଚିକିତ୍ସାଳୟରେ ମୃତ୍ୟୁ ହୋଇଥିବା ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
