କେନ୍ଦୁଝର: ନଦୀରେ ବୁଡି ଯାଇ ୨ ଶିଶୁ ମୃତ। ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ଆନନ୍ଦପୁର ଥାନା କୋଡପଡା ଗ୍ରାମରେ। ବୁଧବାର ମାମୁଁଙ୍କ ସହ ବସନ୍ତିଆ ଗ୍ରାମର 2 ଭଣଜା ବୈତରଣୀ ନଦୀର କୋଡପଡା ଘାଟକୁ ଗାଧୋଇବାକୁ ଯାଇଥିଲେ। ଏହି ସମୟରେ ନଦୀରେ ହଠାତ୍ ଗୋଡ଼ ଖସିଯିବାରୁ ଶିଶୁ 2 ଜଣ ନଦୀରେ ବୁଡିଯାଇ ଥିଲେ ।
ଭିଡିଓ ସୌଜନ୍ୟ: ପ୍ରତିନିଧି ଆନନ୍ଦପୁର
ସୂଚନା ଅନୁସାରେ, ମୃତ 2 ଶିଶୁଙ୍କ ନାମ ହେଲା ରୁଦ୍ରନାରାୟଣ ଓଝା ଓ ସଢା ଗ୍ରାମର ଶୁଭପ୍ରକାଶ ସୁତାର । ସ୍ଥାନୀୟ ଯୁବକ ଉଦ୍ଧାର କରି ଆନନ୍ଦପୁର ଦମକଳ ବାହିନୀ ସହ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ। ଡାକ୍ତର ସେଠାରେ ଉଭୟଙ୍କୁ ମୃତ ଘୋଷଣା କରିଛନ୍ତି ।
କେନ୍ଦୁଝରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
