କେନ୍ଦ୍ରାପଡ଼ା/କଟକ/ଜଗତସିଂହପୁର/ଯାଜପୁର : ସାରା ରାଜ୍ୟରେ ଚାଲିଛି ଭୋଟ ଗଣନା ପ୍ରକ୍ରିୟା। କେନ୍ଦ୍ରାପଡ଼ା ଜିଲ୍ଲାର ୯ଟି ବ୍ଲକରେ ମତଗଣନା ଚାଲିଛି। ସେପଟେ କଟକ ଜିଲ୍ଲା ନିଆଳି ବ୍ଲକରେ ମଧ୍ୟ ଭୋଟ ଗଣତି ପ୍ରକ୍ରିୟା ଚାଲିଛି। ନିଆଳି ବ୍ଲକର ୨୦ ନମ୍ବର ଜୋନରେ କଡ଼ା ସୁରକ୍ଷା ବଳୟ ମଧ୍ୟରେ ଭୋଟଗଣନା ପ୍ରକ୍ରିୟା ଚାଲିଛି।
ଜଗତସିଂହପୁର ଜିଲ୍ଲାରେ ମଧ୍ୟ ବିଭିନ୍ନ ସ୍ଥାନରେ ଭୋଟ ଗଣତି ପ୍ରକ୍ରିୟା ଚାଲିଛି। ଭୋଟ ଗଣତି କେନ୍ଦ୍ରର 100 ମିଟର ପରିସରକୁ ସିଲ କରାଯିବା ସହ ପୋଲିସ ମୂତୟନ କରାଯାଇଛି। ଅନ୍ୟପଟେ ଯାଜପୁର ଜିଲ୍ଲାର 10ଟି ବ୍ଲକର 10ଟି ଜିଲ୍ଲାପରିଷଦ ଜୋନ ପାଇଁ ଚାଲିଛି ଭୋଟଗଣତି। କଟକ ଜିଲ୍ଲାରେ ମଧ୍ୟ ୧୪ ଟି ବ୍ଲକ ରେ ଜାରି ରହିଛି ଗଣତି ପ୍ରକ୍ରିୟା। ତେବେ ଏଯାଏ ୧୪ ଟି ଜୋନରୁ ୧୨ ଟି ଜୋନରେ ବିଜେଡି ଆଗୁଆ ରହିଥିବା ଜଣା ପଡ଼ିଛି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ନିଆଳିରୁ ଉମେଶ ଚନ୍ଦ୍ର ମଲ୍ଲିକ, ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଯାଜପୁରରୁ ଜ୍ଞାନ ରଞ୍ଜନ ଓଝା ଓ କଟକରୁ ନାରାୟଣ ସାହୁ, ଇଟିଭି ଭାରତ
