କେନ୍ଦ୍ରାପଡା: ଦୁଇ ସ୍କୁଲ ଛାତ୍ରୀଙ୍କୁ ଅପହରଣ ଘଟଣା । ଅପହୃତା 2 ଛାତ୍ରୀଙ୍କୁ ପଟ୍ଟାମୁଣ୍ଡାଇ କ୍ଷେତ୍ରପାଳ ଗ୍ରାମବାସୀଙ୍କ ଦ୍ବାରା ଉଦ୍ଧାର କରାଯାଇଛି । ସ୍କୁଟି ସହ ଯୁବକଙ୍କୁ କାବୁ କଲେ ଗ୍ରାମବାସୀ । ଘଟଣାସ୍ଥଳରେ ପହଞ୍ଚିଛି ପଟ୍ଟାମୁଣ୍ଡାଇ ପୋଲିସ ।
ଖବର ଅନୁଯାୟୀ, ସ୍କୁଲ ଯାଉଥିବା ସମୟରେ ସେମାନଙ୍କୁ ଅଧା ବାଟରେ ଜଣେ ଯୁବକ ସ୍କୁଟିରେ ଲିଫ୍ଟ ଦେଇଥିଲା । ଅପହୃତା ଛାତ୍ରୀ 2 ଜଣ ପଟ୍ଟାମୁଣ୍ଡାଇ ଚୂନଡିହ ପ୍ରକଳ୍ପ ପ୍ରାଥମିକ ବିଦ୍ୟାଳୟର ବୋଲି ଜଣାପଡିଛି ।
ତେବେ ସ୍କୁଲ ଯିବା ସମୟରେ ୨ ଛାତ୍ରୀଙ୍କୁ ଅପହରଣ ହୋଇଥିବା ପରିବାର ପକ୍ଷରୁ ଥାନାରେ ଅଭିଯୋଗ ହୋଇଥିଲା। ଅପହୃତା ଛାତ୍ରୀ 2 ଜଣ ତୃତୀୟ ଓ ପଞ୍ଚମ ଶ୍ରେଣୀରେ ପଢୁଛନ୍ତି । ଛାତ୍ରୀ ଦ୍ବୟ ହେଲେ ବେଲତଳ ବଙ୍ଗାଳିପଡା ଗାଁର ଅର୍ଣ୍ଣପୂର୍ଣା ମଣ୍ଡଳ ଓ ଅନିତା ବାରିକ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
