କେନ୍ଦ୍ରାପଡା: ଗୋଟିଏ ଗଛରେ ଫଳିଛି 25ଟି ଭଣ୍ଡା । ମହାକାଳପଡ଼ା ବଡଟୁବି ଗାଁରେ ଦେଖିବାକୁ ମିଳିଛି ଏକ ଅଜବ ଦୃଶ୍ୟ। କଦଳୀ ଫେଣା ବଦଳରେ କଦଳୀ ଗଛରେ 25ଟି କଦଳୀ ଭଣ୍ଡା ଦେଖିବାକୁ ମିଳିଛି । ବଡ଼ଟୁବି ଗାଁର ସହଦେଵ ମଣ୍ଡଳଙ୍କ ବଗିଚାରେ ଏଭଳି ଦୃଶ୍ୟ ଦେଖିବାକୁ ମିଳିଥିବାବେଳେ କେଉଁ କାରଣ ପାଇଁ କଦଳୀ ଫେଣା ବଦଳରେ ଗୋଟିଏ କଦଳୀ ଗଛରେ 25ଟି ଭଣ୍ଡା ଫଳିଛି ।
ସହଦେବଙ୍କ କହିବାନୁଯାୟୀ,ଏହି ବଗିଚାରେ ଥିବା ଅନ୍ୟ କଦଳୀ ଗଛ ମାନଙ୍କରେ କଦଳୀ ଫଳିଥିବା ବେଳେ କେବଳ ଏହି ଗୋଟିଏ ଗଛରେ କଦଳୀ ବଦଳରେ ଭଣ୍ଡା ଦେଖିବାକୁ ମିଳିଛି । କେନ୍ଦ୍ରାପଡ଼ା କୃଷି ବିଜ୍ଞାନ କେନ୍ଦ୍ର ବୈଜ୍ଞାନିକ ପ୍ରଭଞ୍ଜନ ମିଶ୍ରଙ୍କ କହିବାନୁଯାୟୀ ଚାରି ପ୍ରକାର କାରଣରୁ ଏଭଳି ସ୍ଥିତି ଦେଖିବାକୁ ମିଳେ।
ପ୍ରଥମତଃ ଜଙ୍ଗଲୀ କିସମ କଦଳୀ ପୁଆ, ଦ୍ଵିତୀୟରେ ଖାଦ୍ୟସାରର ଅଭାବ, ତୃତୀୟରେ ଜୈବିକ ତଥା ଅଜୈବିକ ଚାପ ଓ ଚତୁର୍ଥ କାରଣଟି ବିବର୍ତ୍ତନବାଦ କଦଳୀ ଗଛର ଡିଏନଏ ପରିବର୍ତ୍ତନ ହେବା । ସାଧାରଣତଃ ବାଇଗଣ ଓ ଅମୃତଭଣ୍ଡା ଗଛ କ୍ଷେତ୍ରରେ ଏଭଳି ଗୁଣ ଦେଖିବାକୁ ମିଳେ ।
ତେବେ କଦଳୀ ଗଛରେ ଏଭଳି ଗୁଣ ଦେଖାଯିବା ପ୍ରଥମ ଏବଂ ଆସନ୍ତା ସୋମବାର ଦିନ ଏକ ଟିମ ସହଦେବଙ୍କ ବଗିଚା ପରିଦର୍ଶନ କରି ଏନେଇ ସବିଶେଷ ତର୍ଜମା କରାଯିବ ବୋଲି କହିଛନ୍ତି ପ୍ରଭଞ୍ଜନ ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
