କେନ୍ଦ୍ରାପଡା: ବିଲକୁ ଗାଈ ଆଣିବାକୁ ଯାଇଥିବା ବେଳେ ଛାତ୍ରଙ୍କ ଉପରେ ପଡିଲା ବଜ୍ରପାତ । କେନ୍ଦ୍ରାପଡା ଜରିପଡା ଗାଁରେ ଘଟିଛି ଅଘଟଣ । ମୃତକ ଜଣକ ଚନ୍ଦ୍ରସାରଥୀ ଦାସ ବୋଲି ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, ଚନ୍ଦ୍ରସାରଥୀ ବିଲକୁ ଗାଈ ଆଣିବାକୁ ଯାଇଥିଲେ ଏହି ସମୟରେ ବଜ୍ରପାତ ପଡିଥିଲା । ଏଥିରେ ଛାତ୍ର ଜଣକ ଗୁରୁତର ହୋଇ ପଡିଥିଲେ । ଫଳରେ ପରିବାର ଲୋକେ ତାଙ୍କୁ ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ବଜ୍ରାଘାତରେ ଛାତ୍ରଙ୍କ ମୃତ୍ୟୁ
ଚନ୍ଦ୍ରସାରଥି ଜଣେ ମେଧାବି ଛାତ୍ର ଥିଲେ। ଚଳିତ ମ୍ୟାଟ୍ରିକ ପରୀକ୍ଷାରେ ସେ ୯୧% ପ୍ରତିଶତ ମାର୍କ ରଖି ଉତ୍ତୀର୍ଣ୍ଣ ହୋଇଥିଲେ। ଛାତ୍ରଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
