କେନ୍ଦ୍ରାପଡା: ରାଜ୍ୟ ମହିଳା କମିଶନ ଅଧ୍ୟକ୍ଷା ମୀନତୀ ବେହେରାଙ୍କ କେନ୍ଦ୍ରାପଡା ଗସ୍ତ । ଜିଲ୍ଲାରେ ମହିଳା ଆୟୋଗ ଶିବିର ଅଦାଲତ ଅନୁଷ୍ଠିତ ହୋଇଥିଲା । ବିଭିନ୍ନ ଆଇନଗତ ମାମଲା ଗୁଡିକର ଫଇସଲା କରାଯାଇଥିଲା ।
କେନ୍ଦ୍ରାପଡ଼ା ଜିଲାପାଳଙ୍କ ସମ୍ମିଳନୀ କକ୍ଷରେ ରାଜ୍ୟ ମହିଳା କମିଶନଙ୍କର ଏକ କ୍ୟାମ୍ପ କୋର୍ଟ ଅନୁଷ୍ଠିତ ହୋଇଯାଇଛି l ଜିଲ୍ଲାର ବିଭିନ୍ନ ସ୍ଥାନରୁ ମୋଟ ୪୨ ଟି ମାମଲା କୋର୍ଟରେ ବିଚାର କରାଯାଇଥିଲା । ବିଶେଷ କରି ପାରିବାରିକ ହିଂସା ଓ ସ୍ଵାମୀ-ସ୍ତ୍ରୀଙ୍କ ମଧ୍ୟରେ ସୃଷ୍ଟି ହୋଇଥିବା ବିବାଦ ଜନିତ ମାମଲାର ଶୁଣାଣି କରାଯାଇଥିଲା l ମହିଳା କମିଶନ ଅଧ୍ୟକ୍ଷା ଉପସ୍ଥିତ ରହି ବିଭିନ୍ନ ମାମଲାର ଶୁଣାଣି କରି ସମାଧାନ କରିଥିଲେ l ତେବେ କେତେକ ମାମଲାରେ ଉଭୟ ପକ୍ଷଙ୍କୁ ଧାର୍ଯ୍ୟ ସମୟ ପରେ ପୁନର୍ବାର କମିଶନଙ୍କ କାର୍ଯ୍ୟାଳୟରେ ହାଜର ହେବା ପାଇଁ ନିର୍ଦେଶ ଦିଆଯାଇଛି l ମହିଳା କମିଶନ ଅଧ୍ୟକ୍ଷାଙ୍କ ସହ ଦୁଇ ଜଣ ସଦସ୍ୟା ମଧ୍ୟ କ୍ୟାମ୍ପ କୋର୍ଟରେ ଉପସ୍ଥିତ ଥିଲେ l
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
