କେନ୍ଦ୍ରାପଡା: ଶୋଇଥିବା ସମୟରେ ଘରେ କଳାକନା ବୁଲାଇଲେ 3 ଦୁର୍ବୁତ୍ତ । ୫୦,୦୦୦ ଟଙ୍କା ସମେତ ଲକ୍ଷାଧିକ ଟଙ୍କାର ସୁନାଗହଣା ଲୁଟି ନେଇଛନ୍ତି ଏହି ଦୁର୍ବୁତ୍ତ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ମାର୍ଶାଘାଇ ବ୍ଲକ ଅନ୍ତର୍ଗତ ପଳାଶପୁର ଗ୍ରାମରେ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ସୂଚନା ମୁତାବକ, ରବିବାର ରାତିରେ ଗ୍ରାମର ଗୋପବନ୍ଧୁ ଶତପଥୀ ଏବଂ ସ୍ତ୍ରୀ ମିନତୀ ଶତପଥୀ ଘରେ ଶୋଇଥିବା ବେଳେ ରାତି ପ୍ରାୟ ୨ ଟା ୩୦ ମିନିଟ ସମୟରେ ୩ଜଣ ଦୁର୍ବୃତ୍ତ କବାଟ ଭାଙ୍ଗି ଘରେ ପ୍ରବେଶ କରିଥିଲେ । ଏହାପରେ ମାରଣାସ୍ତ୍ର ଦେଖାଇ ଉଭୟଙ୍କୁ ବାନ୍ଧିବା ପରେ ଲୁଟ ଆରମ୍ଭ କରିଥିଲେ । ଘରେ ଥିବା ନଗଦ ୫୦,୦୦୦ଟଙ୍କା ସମେତ ଲକ୍ଷାଧିକ ଟଙ୍କାର ସୁନାଗହଣା ଲୁଟି ନେଇଯାଇଥିଲେ ।
ଏନେଇ ଗୋପବନ୍ଧୁ ମାର୍ଶାଘାଇ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
