କେନ୍ଦ୍ରାପଡା: ୩୨ତମ ଜାତୀୟ ସଡ଼କ ସୁରକ୍ଷା ମାସ ଉପଲକ୍ଷେ କେନ୍ଦ୍ରାପଡା ସହରରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଜଗନ୍ନାଥ ଚାରିଟେବୁଲ ଟ୍ରଷ୍ଟ ଓ ଆନ୍ତର୍ଜାତିକ ମାନବାଧିକାର ଏବଂ ମିଡିଆ ସଙ୍ଗଠନର ମିଳିତ ଆନୁକୂଲ୍ୟରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା ।
ହେଲମେଟ ନ ପିନ୍ଧିଲେ ବାଇକ ଆରୋହୀଙ୍କୁ ଧରୁଛି ଯମ
କେନ୍ଦ୍ରାପଡା ସହରର ଦୁହୁରିଆ ଠାରୁ ଇଚ୍ଛାପୁର ରଥଦାଣ୍ଡ ପଥ ଅତିକ୍ରାନ୍ତ ନାଟକ ଓ ରୋଡସୋ ମାଧ୍ୟମରେ ଲୋକମାନଙ୍କୁ ସଚେତନ କରାଯାଇଥିଲା । ହେଲମେଟ ପିନ୍ଧି ନଥିବା ବାଇକ ଆରୋହୀମାନଙ୍କୁ ଜମରାଜ ଧରିଆଣି ଚିତ୍ରଗୁପ୍ତଙ୍କ ମାଧ୍ୟମରେ ସେମାନଙ୍କ ପାଞ୍ଜି ଦେଖିବା ସହିତ କିପରି ଦଣ୍ଡ ବିଧି ଧାର୍ଯ୍ଯ କରାଯାଏ ପଥପ୍ରାନ୍ତ ନାଟକ ମାଧ୍ୟମରେ ସଚେତନ କରୁଥିବାର ଦେଖିବାକୁ ମିଳିଛି । ଏହି କାର୍ଯ୍ୟକ୍ରମକୁ ପଥଚାରୀମାନେ ବହୁମାତ୍ରାରେ ଉପଭୋଗ କରିବା ସହ ସଚେତନ ମଧ୍ୟ ହୋଇଛନ୍ତି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
