କେନ୍ଦ୍ରାପଡା: ଶୌଚ ହେବାପାଇଁ ଯାଇଥିବା ଯୁବକଙ୍କୁ ପୋଲିସ ମାଡ଼ମାରି ଲହୁଲୁହାଣ କରିଥିବା ଅଭିଯୋଗ ହୋଇଛି ।
ସୀମା ଲଙ୍ଘିଲା ବର୍ବରତା, ଶୌଚ ହେବାକୁ ଯାଇଥିବା ଯୁବକକୁ ପୋଲିସର ଆଖିବୁଜା ମାଡ଼
ଅଭିଯୋଗ ଅନୁଯାୟୀ, କେନ୍ଦ୍ରାପଡ଼ା ତନ୍ତିଆପାଳ ସାମୁଦ୍ରିକ ଥାନା ପକ୍ଷରୁ ସନ୍ଧ୍ୟା ପାଟ୍ରୋଲିଂ ସମୟରେ ଶୌଚ ହେବାକୁ ଯାଇଥିବା ଗୋଗୁଆ ଗାଁର ନିତ୍ୟାନନ୍ଦ ଜେନା ନାମକ ଜଣେ ଯୁବକକୁ ଅଟକାଇ, କୁଆଡେ ଯାଇଥିଲୁ ବୋଲି ପଚାରି ନିସ୍ତୁକ ମାଡ଼ ମାରିଥିଲା ପୋଲିସ । ମାଡ ଦାଉରୁ ରକ୍ଷା ପାଇବା ପାଇଁ ନିତ୍ୟାନନ୍ଦ ଦୌଡ଼ି ପଳାଉଥିବା ବେଳେ ତଳେ ପଡି ଗୁରୁତର ହୋଇଥିଲେ । କିନ୍ତୁ ପୋଲିସ ଉଦ୍ଧାର କରିବା ପରିବର୍ତ୍ତେ ତାଙ୍କୁ ସେଠି ଛାଡି ପଳାଇଥିଲା ।
ଏନେଇ ଗ୍ରାମ ମୁରବି ପୋଲିସ ବିରୋଧରେ ସ୍ବର ଉତ୍ତୋଳନ କରିବାରୁ ପୋଲିସ ଓ ଲୋକଙ୍କ ମଧ୍ୟରେ ମୁହାଁମୁହିଁ ହୋଇଥିବା ସୂଚନା ମିଳିଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
