କେନ୍ଦ୍ରାପଡ଼ା: ମହାକାଳପଡ଼ା ଥାନା ଓରତ ଗୋବରୀ ନଦୀ କୂଳରେ ଥିବା ଏକ ପରିତ୍ୟକ୍ତ ବଣରୁ ନବଜାତ ଶିଶୁକନ୍ୟା ଉଦ୍ଧାର ହୋଇଛି। ସୂଚନା ଅନୁଯାୟୀ, ଆଜି(ଶୁକ୍ରବାର) ପୂର୍ବାହ୍ନରେ ଗୋଟିଏ ପରିତ୍ୟକ୍ତ ବଣ ମଧ୍ୟରେ ଏକ ଶିଶୁ କାନ୍ଦୁଥିବା ଶୁଣିବାକୁ ମିଳିଥିଲା ।
ଓରତ ଗୋବରୀ ନଦୀ କୂଳରୁ ନବଜାତକ ଶିଶୁକନ୍ୟା ଉଦ୍ଧାର
ଏହା ପରେ ସ୍ଥାନୀୟ ଓରତ ଗ୍ରାମର ମତ୍ସ୍ୟଜୀବୀ ମାନେ ବଣ ମଧ୍ୟକୁ ଯାଇଥଲେ ଏବଂ ଏକ ନବଜାତକ ଶିଶୁକନ୍ୟା ପଡିଥିବାର ଦେଖିଥିଲେ। ତୁରନ୍ତ ସେମାନେ ଶିଶୁଟିକୁ ଉଦ୍ଧାର କରି ସ୍ଥାନୀୟ ଚିକିତ୍ସାଳୟକୁ ନେଇଥିଲେ। ଶିଶୁଟିର ବର୍ତ୍ତମାନ ସ୍ବାସ୍ଥ୍ୟ ଅବସ୍ଥା ସ୍ଥିର ରହିଥିବା ବେଳେ ଜିଲ୍ଲା ଶିଶୁ ମଙ୍ଗଳ କମିଟି ଘଟଣାସ୍ଥଳକୁ ଯାଉଥିବା ସୂଚନା ମିଳିଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
