କେନ୍ଦ୍ରାପଡା: ରାଜ୍ୟର ସର୍ବପୁରାତନ ପୌରପାଳିକା ଅଧିନରେ ବାସ କରୁଥିବା ଜନସାଧାରଣ ଏଥର ଡିଜିଟାଲ ଉପାୟରେ ଘରର ବିଭିନ୍ନ ଟିକସ ପୈଠ କରିବେ । ଏନେଇ ସୋମବାର କେନ୍ଦ୍ରାପଡା ଟାଉନ ହଲଠାରେ ଉପଜିଲ୍ଲାପାଳ ଜ୍ୟୋତିଶଙ୍କର ମହାପାତ୍ର ଏହି ମେସିନ(ଏମପିଓଏସ)କୁ ଉଦଘାଟନ କରିଛନ୍ତି । ଏହି ସୁବିଧା ଆକ୍ସିସ ବ୍ୟାଙ୍କ ଦ୍ବାରା ଆରମ୍ଭ କରାଯାଇଛି ।
ଉଦଘାଟିତ ହେଲା ଏମପିଓଏସ ମେସିନ
ଏମପିଓଏସ ମେସିନ ଉଦଘାଟନ ଅବସରରେ ଉପଜିଲ୍ଲାପାଳ ଆକ୍ସିସ ବ୍ୟାଙ୍କକୁ ଧନ୍ୟବାଦ ଦେବା ସହ ଡିଜିଟାଲ ମାଧ୍ୟମରେ ପୌରପାଳିକାର ଟିକସ ଆଦାୟ ସହଜ ସରଳ ଓ ହେବ ବୋଲି କହିଛନ୍ତି । ଏମପିଓଏସ ଡିଭାଇସ ମାଧ୍ୟମରେ ଟିକସ ଆଦାୟକାରୀ ମାନେ ପୌରପାଳିକା ଅଧିନରେ ବାସ କରୁଥିବା ଜନସାଧାରଣମାନଙ୍କ ଠାରୁ ଚେକ୍, ଡେବିଟ ଓ କ୍ରେଡିଟ୍ କାର୍ଡ ମାଧ୍ୟମରେ ଟଙ୍କା ଆଦାୟ କରିପାରିବେ ବୋଲି ସୂଚନା ଦେଇଛନ୍ତି ।
ଏହା ଦ୍ବାରା ସମସ୍ତ ଟିକସ ଦାତାଙ୍କର ହିସାବ ଆକ୍ସିସ ବ୍ୟାଙ୍କ ମାଧ୍ୟମରେ କରାଯାଇପାରିବ ବୋଲି ମଧ୍ୟ ଉପଜିଲ୍ଲାପାଳ ପ୍ରକାଶ କରିଛନ୍ତି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
