କେନ୍ଦ୍ରାପଡା: ଭିଜିଲାନ୍ସ ବିଭାଗର ଜଣେ ଉଚ୍ଚପଦସ୍ଥ ଅଧିକାରୀଙ୍କ ନାଁରେ ଫେକ୍ ଫେସବୁକ ଆଇଡି । ଫେକ୍ ଆଇଡି ଜରିଆରେ ଦୁର୍ବୃତ୍ତମାନେ ଟଙ୍କା ମାଗୁଥିବା ଅଭିଯୋଗ । କେନ୍ଦ୍ରାପଡା ବିଭାଗରେ କାର୍ଯ୍ୟରତ ଡିଏସପି ସୁରେନ୍ଦ୍ରନାଥ ରାୟଗୁରୁଙ୍କ ନାଁରେ ଫେକ ଆଇଡି କରାଯାଇଥିବା ଅଭିଯୋଗ ହୋଇଛି ।
କେହି ଜଣେ ଦୁର୍ବୃତ୍ତ ଡିଏସପି ସୁରେନ୍ଦ୍ରନାଥ ରାୟଗୁରୁଙ୍କ ନାଁରେ ଫେକ ଆଇଡିରେ କରି ତାଙ୍କ ସମ୍ପର୍କୀୟଙ୍କୁ ଟଙ୍କା ମାଗିଥିଲେ । ମେସେଞ୍ଜର ଜରିଆରରେ ଟଙ୍କା ମାଗୁଥିବାବେଳେ ଦୁର୍ବୃତ୍ତ ଜଣକ ହିନ୍ଦୀରେ ବାର୍ତ୍ତାଳାପ କରିଥିଲେ ।ଏନେଇ ସମ୍ପର୍କୀୟ ଜଣକ ଡିଏସପିଙ୍କୁ ଜଣାଇବା ପରେ ଘଟଣାଟି ସାମ୍ନାକୁ ଆସିଛି । ସେପଟେ ଏନେଇ ରାୟଗୁରୁ ପୋଲିସର ସହଯୋଗ ନେବା ସହ ଖୁବଶୀଘ୍ର ଦୁର୍ବୃତ୍ତକୁ ଧରିବେ ବୋଲି କହିଛନ୍ତି । ଏହାକୁ ବିଶ୍ବାସ ନ କରିବାକୁ ଅପିଲ କରିଛନ୍ତି ଅଧିକାରୀ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
