ପଟ୍ଟାମୁଣ୍ଡାଇ ମହିଳା ମହାବିଦ୍ୟାଳୟ ଅଧ୍ୟକ୍ଷା ନିଯୁକ୍ତିରେ ଚଞ୍ଚକତା !

ଶିକ୍ଷାର ମନ୍ଦିରରେ ଦୁର୍ନୀତିର ଗନ୍ଧ । ଅଧ୍ୟକ୍ଷା ନିଯୁକ୍ତିରେ ଜାଲିଆତି । କେନ୍ଦ୍ରାପଡା ପଟ୍ଟାମୁଣ୍ଡାଇ ମହିଳା ମହାବିଦ୍ୟାଳୟରେ ଦେଖିବାକୁ ମିଳିଛି ଏପରି ଅନିୟମିତତା । ସୂଚନା ଅଧିକାର ଆଇନବଳରେ ତଥ୍ୟ ସାମ୍ନାକୁ ଆସିବା ପରେ ପ୍ରକୃତ ସତ୍ୟ ପଦାରେ ପଡିଛି ।

କେନ୍ଦ୍ରାପଡା: ଶିକ୍ଷାର ମନ୍ଦିରରେ ଦୁର୍ନୀତିର ଗନ୍ଧ । ଅଧ୍ୟକ୍ଷା ନିଯୁକ୍ତିରେ ଜାଲିଆତି । କେନ୍ଦ୍ରାପଡା ପଟ୍ଟାମୁଣ୍ଡାଇ ମହିଳା ମହାବିଦ୍ୟାଳୟରେ ଦେଖିବାକୁ ମିଳିଛି ଏପରି ଅନିୟମିତତା । ସୂଚନା ଅଧିକାର ଆଇନବଳରେ ତଥ୍ୟ ସାମ୍ନାକୁ ଆସିବା ପରେ ପ୍ରକୃତ ସତ୍ୟ ପଦାରେ ପଡିଛି । ଅଧ୍ୟାପିକାରୁ ଅଧ୍ୟକ୍ଷା ହୋଇଥିବା ପ୍ରଭାବତୀ ପଢିହାରୀଙ୍କ ନିଯୁକ୍ତିରେ ଘୋଟାଲା ହୋଇଛି । 29.07.1992 ମସିହାରେ ତାଙ୍କର ନିଯୁକ୍ତି ହୋଇଥିବା ଜଣାପଡିଥିବାବେଳେ 1993 ମସିହା ପର୍ଯ୍ୟନ୍ତ ତାଙ୍କର ନିଯୁକ୍ତି ହୋଇନଥିବା କହିଛନ୍ତି ମହାବିଦ୍ୟାଳୟର ପ୍ରତିଷ୍ଠାତା ସଭ୍ୟ ଓ ତତ୍କାଳୀନ ପରିଚାଳନା କମିଟି ଆବାହକ ।

ସେପଟେ 1992 ମସିହାରେ ହିଁ ସେ ନିଯୁକ୍ତି ପାଇଛନ୍ତି ଓ ମୋ ନିଯୁକ୍ତିକୁ ନେଇ କାହାର କଣ ଅସୁବିଧା ହେଲା ବୋଲି କହି ଗଣମାଧ୍ୟମକୁ ନାଲି ଆଖି ଦେଖାଇଛନ୍ତି । ଅନ୍ୟପଟେ ଏହି ଜାଲିଆତି ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପରିଚାଳନା କମିଟିର ସଭାପତି ତଥା ଅତିରିକ୍ତ ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଛି । ତେବେ ଏହାର କରାଯାଇ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅତିରିକ୍ତ ଜିଲ୍ଲାପାଳ କହିଛନ୍ତି ।

ତେବେ 17.08.1988ରେ ମହାବିଦ୍ୟାଳୟରେ ଗୀତା ଦାସ ନାମକ ଜଣେ ଅଧ୍ୟାପିକା ଯୋଗଦେଇ 04.07.1992ରେ ମହାବିଦ୍ୟାଳୟରୁ ଇସ୍ତଫା ଦେଇଥିଲେ । 29.07.1992ରେ ତାଙ୍କ ଇସ୍ତଫା ପତ୍ର ଗୃହୀତ ହେବା ସହ ପ୍ରଭାବତୀଙ୍କୁ ନିଯୁକ୍ତି ଦିଆଯାଇଥିଲା ବୋଲି ଆରଟିଆଇରୁ ଜଣାପଡିଛି । ବିନା ବିଜ୍ଞାପନରେ ଜଣେ ଅଧ୍ୟାପିକାଙ୍କୁ କିପରି ନିଯୁକ୍ତି ମିଳିଥିବା ପ୍ରଶ୍ନ ଉଠୁଥିବାବେଳେ ଏଥିରେ ପୂର୍ବତନ ଅଧ୍ୟକ୍ଷଙ୍କ ହାତ ଥିବା ଅଭିଯୋଗ ହେଉଛି ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ