କେନ୍ଦ୍ରାପଡ଼ା : ବିଭିନ୍ନ ଦାବି ନେଇ କେନ୍ଦ୍ରାପଡ଼ା ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ । ବୁଧବାର ଏଞ୍ଜେନ ଅଧୀନରେ କାର୍ଯ୍ୟରତ ଠିକା ଶ୍ରମିକମାନେ ବିଭିନ୍ନ ଦାବି ନେଇ କେନ୍ଦ୍ରାପଡ଼ା ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି |
ଇଲେକ୍ଟ୍ରିସିଟି ଠିକା ଶ୍ରମିକ ସଂଘର ସଭାପତି ଦେବଦାସ ମହାନ୍ତିଙ୍କ ନେତୃତ୍ବରେ ଠିକା କର୍ମଚାରୀମାନେ ତିନିମୁହାଣୀରୁ ଏକ ମୋଟର ସାଇକଲ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ପହଞ୍ଚିଥିଲେ | ସେଠାରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଥିଲା |
ତେବେ ଏହି ବିକ୍ଷୋଭରେ ଦୀର୍ଘ 11 ବର୍ଷ ଧରି ବିଲ୍ କଲେକସନ କାର୍ଯ୍ୟରେ ନିୟୋଜିତ ଥିବା କର୍ମଚାରୀଙ୍କୁ ଛଟେଇ ପ୍ରତିବାଦ କରିବା ସହିତ ମିଟର ରିଡ଼ିଙ୍ଗ ବିଲ କଲେକସନ କାର୍ଯ୍ୟରେ ସ୍ଵଂୟସହାୟକ ଗୋଷ୍ଠୀଙ୍କୁ ନିୟୋଜିତ ନକରିବା, ଠିକା ଶ୍ରମିକଙ୍କୁ ସର୍ବନିମ୍ନ ମଜୁରୀ ପ୍ରଦାନ କରିବା, ଇପିଏଫ୍, ବୋନସ, ଇଏସଆଇ ପ୍ରଦାନ କରିବା ଏବଂ ବିଦ୍ୟୁତ୍ ଶ୍ରମିକ ମାନଙ୍କୁ ସରକାରୀ ଚାକିରୀ ସର୍ତ୍ତାବଳୀ ଅନୁଯାୟୀ ନିଯୁକ୍ତି ପ୍ରଦାନ ପ୍ରଭୃତି ପାଇଁ ଦାବି କରାଯାଇଥିଲା |
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
