କେନ୍ଦ୍ରାପଡ଼ା: ରାଜ୍ୟରେ ଥମିବାର ନାଁ ନେଉନାହିଁ ଅଣ୍ଡାମାଡ । ଆଜି ଆଳିରେ ମନ୍ତ୍ରୀ ପ୍ରତାପ ଜେନାଙ୍କୁ ଅଣ୍ଡା ମାଡ ହୋଇଥିବା ସୂଚନା ମିଳିଛି । ଆଳି ନିର୍ବାଚନ ମଣ୍ଡଳୀର ଆଳି ଓ ରାଜକନିକା ବ୍ଲକରେ ବିଭିନ୍ନ ପ୍ରକଳ୍ପ ଉଦଘାଟନ ଉତ୍ସବରେ ଯୋଗଦେବାକୁ ଯାଉଥିବା ବେଳେ ଆଳିର ବାଳକାଟି ନିକଟରେ ମନ୍ତ୍ରୀ ପ୍ରତାପ ଜେନାଙ୍କ ଗାଡିକୁ ଯୁବ କଂଗ୍ରେସ କର୍ମୀ ଅଣ୍ଡାମାଡ଼ କରିଥିବା ସୂଚନା ରହିଛି ।
ଆଳିର ମନ୍ତ୍ରୀ ପ୍ରତାପ ଜେନାଙ୍କ ଗାଡ଼ିକୁ ଅଣ୍ଡାମାଡ଼
ମିଳିଥିବା ସୂଚନା ଅନୁସାରେ, ଆଜି ଆଳି ଓ ରାଜକନିକା ବ୍ଲକରେ ଆୟୋଜିତ ପ୍ରକଳ୍ପ ଉଦଘାଟନ ଓ ଭିତ୍ତିପ୍ରସ୍ତର ସ୍ଥାପନ ଉତ୍ସବରେ ଯୋଗ ଦେବାକୁ ଯାଉଥିଲେ ମନ୍ତ୍ରୀ ପ୍ରତାପ ଜେନା ।
ଏହି ସମୟରେ ବାଳକାଟି ନିକଟରେ କଂଗ୍ରେସ କର୍ମୀମାନେ ମନ୍ତ୍ରୀଙ୍କୁ କଳା ପତାକା ପ୍ରଦର୍ଶନ କରିବା ସହ ମନ୍ତ୍ରୀଙ୍କ ଗାଡିକୁ ଅଣ୍ଡା ଫିଙ୍ଗିଥିଲେ । ସେହିପରି ବିଜେପି କର୍ମୀମାନେ ମଧ୍ୟ ମନ୍ତ୍ରୀ ପ୍ରତାପ ଜେନା ଓ ସ୍ଥାନୀୟ ବିଧାୟକ ପ୍ରତାପ ଦେବଙ୍କୁ କଳାପତାକା ପ୍ରଦର୍ଶନ କରି ବିରୋଧ କରିଛନ୍ତି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
