କେନ୍ଦ୍ରାପଡା: ମହାକାଳପଡା ଥାନା ଅଳାଇଲୋ ଗ୍ରାମ ଦେଇ ଯାଇଥିବା ଗୋବରୀ ନଦୀରେ ଭାସୁଛି ଯୁବତୀଙ୍କ ମୃତଦେହ । ମୃତକ କେନ୍ଦ୍ରାପଡା ସଦର ଥାନା ଅନ୍ତର୍ଗତ ଆୟବା ପଞ୍ଚାୟତ ନରଣପୁର ଗ୍ରାମର ଅଲେଖ ସେଠୀଙ୍କ ସାନ ଝିଅ ଚାରୁଲେଖା ସେଠୀ ( 23) ବୋଲି ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ଶନିବାର ଭୋର ୪.୩୦ ରେ ଶୌଚ ହେବାକୁ ଯାଇ ଘରକୁ ଫେରିନଥିଲେ ଚାରୁଲେଖା । ପରିବାର ପକ୍ଷରୁ ସଦର ଥାନାରେ ଲିଖିତ ଅଭିଯୋଗ କରିବା ସହିତ ଅଗ୍ନିଶମ ବାହିନୀଙ୍କୁ ଖବର ଦେଇଥିଲେ । ଗତକାଲି ଅଗ୍ନିଶମ ବାହିନୀ ଗୋବରୀ ନଦୀରେ ଖୋଜା ଖୋଜି କରିଥିଲେ ମଧ୍ୟ ମିଳିନଥିଲା । ରବିବାର ସକାଳୁ ପରିବାର ଲୋକେ ଡଙ୍ଗା ମାଧ୍ୟମରେ ଗୋବରୀ ନଦୀରେ ଖୋଜାଖୋଜି କରୁଥିବା ସମୟରେ ଗୋବରୀ ନଦୀରେ ଚାରୁଲେଖାର ମୃତଦେହ ଭାସୁଥିବାର ଦେଖିବାକୁ ମିଳିଥିଲା। ପରିବାର ଲୋକେ ମୃତଦେହକୁ ଉଦ୍ଧାର କରି ଶବ ବ୍ୟବଛେଦ ପାଇଁ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
