କେନ୍ଦ୍ରାପଡା: ମାଡି ଆସୁଛି ସାମୁଦ୍ରିକ ଝଡ ‘ବୁଲବୁଲ’ । ଏହାର ପ୍ରଭାବରେ କେନ୍ଦ୍ରାପଡାରେ ପବନର ବେଗ କ୍ଷୀପ୍ରତର ହେବାରେ ଲାଗିଛି । ମଧ୍ୟମ ଧରଣର ବର୍ଷା ସାଙ୍ଗକୁ ଉପକୂଳବର୍ତ୍ତୀ ଅଞ୍ଚଳରେ ପବନ କରାଳ ରୂପ ଦେଖାଇବା ଆରମ୍ଭ କରିଦେଇଛି ।
‘ବୁଲବୁଲ’ ପ୍ରଭାବ, କେନ୍ଦ୍ରାପଡାରେ ବଢୁଛି ପବନର ବେଗ
ଅନ୍ୟପଟେ ରାଜନଗର ବ୍ଲକର ପେଣ୍ଠ,ପ୍ରସନ୍ନପୁର,କଇଥା,ବଡ଼କୁଦ ଅଞ୍ଚଳର ଲୋକମାନଙ୍କୁ ସ୍ଥାନାନ୍ତରିତ କରାଯାଇ ରନ୍ଧାଖାଦ୍ୟ ଯୋଗାଇ ଦିଆଯାଇଥିବା ସୂଚନା ଦେଇଛନ୍ତି ଜିଲ୍ଲା ଆପଦକାଳୀନ ଅଧିକାରୀ ସମ୍ବିତ ଶତପଥି । ସେହିପରି ମହାକାଳପଡ଼ା, କେନ୍ଦ୍ରାପଡ଼ା, ରାଜକନିକା ଅଞ୍ଚଳରେ ପବନ ୮୦-୯୦କିମି ବେଗରେ ବହୁଥିବା ବେଳେ ତାଳଚୁଆ ଅଞ୍ଚଳରେ ଶୁକ୍ରବାର ରାତିରେ ୧୦୦କିମି ବେଗରେ ପବନ ବହୁଥିବା ସୂଚନା ରହିଛି ।
ପ୍ରକାଶ ଯେ, ଆଜି(ଶନିବାର) ସକାଳ 10ଟାରୁ 11 ମଧ୍ୟରେ ସାମୁଦ୍ରିକ ଝଡ ବୁଲବୁଲ ଓଡିଶା ଅତିକ୍ରମ କରିବା ନେଇ ସୂଚନା ରହିଛି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
