କେନ୍ଦ୍ରାପଡ଼ା: କଥାକାର ଡ଼ଃ ରାମଚନ୍ଦ୍ର ବେହେରାଙ୍କୁ ଭେଟିଲେ ରାଜ୍ୟ ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ । ୨୦୨୦ ମସିହା ପାଇଁ ଓଡ଼ିଆ ସାହିତ୍ୟର ସର୍ବୋଚ୍ଚ ସାରସ୍ବତ ସମ୍ମାନ ଅତିବଡୀ ଜଗନ୍ନାଥ ଦାସ ପୁରସ୍କାରରେ ସମ୍ମାନୀତ ହେବେ ଡ଼ଃ ରାମଚନ୍ଦ୍ର ବେହେରା । ଏଥିପାଇଁ ତାଙ୍କୁ କେନ୍ଦ୍ରପଡ଼ାସ୍ଥିତ ବାସଭବନରେ ପହଞ୍ଚି ସୌଜନ୍ୟମୂଳକ ସାକ୍ଷାତ କରିଛନ୍ତି ପର୍ଯ୍ୟଟନ ଓ ସଂସ୍କୃତିମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ।
ଓଡ଼ିଆ ସାହିତ୍ୟର ସର୍ବୋଚ୍ଚ ସମ୍ମାନ ଅତିବଡ଼ି ଜଗନ୍ନାଥ ଦାସ ପୁରସ୍କାର ପାଇଥିବାରୁ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଗାଳ୍ପିକ ରାମଚନ୍ଦ୍ର ବେହେରାଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ । ଏହାସହ ତାଙ୍କ ସାରସ୍ବତ ଜୀବନର ସୁସ୍ଥତା ଓ ସଫଳତା କାମନା କରିଥିଲେ।
ଗାଳ୍ପିକ ରାମଚନ୍ଦ୍ର ବେହେରାଙ୍କୁ ଓଡ଼ିଆ ସାହିତ୍ୟର ସର୍ବୋଚ୍ଚ ସାରସ୍ବତ ସମ୍ମାନ କରାଯିବା ନେଇ ଗତକାଲି(ବୁଧବାର) ଘୋଷଣା ହୋଇଥିଲା। ଏହାପରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଡ଼ଃ ରାମଚନ୍ଦ୍ର ବେହେରା ଅନେକ ମନଛୁଆଁ ଓ ସମାଜ ସୁଧାରକ ଗଳ୍ପ ରଚନା କରିଛନ୍ତି। ଏଥିପାଇଁ ରାଜ୍ୟ ପର୍ଯ୍ୟଟନ ଓ ସଂସ୍କୃତିମନ୍ତ୍ରୀଙ୍କ ସହ ପାଟକୁରା ବିଧାୟିକା ସାବିତ୍ରୀ ଅଗ୍ରୱାଲ୍, ଓଡିଶା ସାହିତ୍ୟ ଏକାଡେମୀ ସଚିବ ଜୟନ୍ତୀ ରଥ,ଓଡିଶା ସାହିତ୍ୟ ଏକାଡମୀ ସଦସ୍ୟ ଅତୁଲ ବଳ,ସରୋଜ ମହାନ୍ତି ପ୍ରମୁଖ ତାଙ୍କୁ ଭେଟି ଅଭିନନ୍ଦନ ଜଣାଇଛନ୍ତି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି,ଇଟିଭି ଭାରତ
