କେନ୍ଦ୍ରାପଡା: ମିଳିତ ଟ୍ରେଡ଼ ୟୁନିୟନ ଭାରତ ବନ୍ଦ ଡାକରାକୁ ଜାତୀୟ କଂଗ୍ରେସ ଓ ମାକ୍ସବାଦୀ କମ୍ୟୁନିଷ୍ଟ ପାର୍ଟି ସମର୍ଥନ ଜଣାଇଛି । ଗୁରୁବାର ଜିଲ୍ଲାର ବିଭିନ୍ନ ସ୍ଥାନରେ ରାସ୍ତାରୋକ କରାଯିବା ସହିତ ଜିଲ୍ଲାପାଳଙ୍କ କାର୍ଯ୍ୟାଳୟ ମଧ୍ୟ ବନ୍ଦ କରାଯାଇଛି ।
ଗୁରୁବାର ସକାଳ 6ଟାରୁ ଡେରାବିଶ୍, ଗରଦପୁର, ମାର୍ଶାଘାଇ, ମହାକାଳପଡ଼ା, ଆଳି, ରାଜକନିକା, ରାଜନଗର ଆଦି ବ୍ଲକରେ ଧାରଣା,ବିକ୍ଷୋଭ ସହ ରାସ୍ତାରୋକ କରାଯାଇଛି । ପାର୍ଟି ପକ୍ଷରୁ ବନ୍ଦ ଡାକରାକୁ ସଫଳ କରିବା ପାଇଁ ଜିଲ୍ଲାର ବିଭିନ୍ନ ସ୍ଥାନରେ ଥିବା ସରକାରୀ କାର୍ଯ୍ୟାଳୟଗୁଡିକୁ ବନ୍ଦ କରାଯାଇଛି । ଏହି କ୍ରମରେ କଂଗ୍ରେସ ନେତା ତଥା ପୂର୍ବତନ ମନ୍ତ୍ରୀ ଗଣେଶ୍ବର ବେହେରା ଜିଲ୍ଲାପାଳଙ୍କ କାର୍ଯ୍ୟାଳୟରେ ପିକେଟିଂ କରି କାର୍ଯ୍ୟାଳୟରେ କାର୍ଯ୍ୟରତ କର୍ମଚାରୀମାନଙ୍କୁ ଏହି ଆନ୍ଦୋଳନରେ ସାମିଲ ହେବାପାଇଁ ଅନୁରୋଧ କରିଥିଲେ ।
ଏହା ସହିତ ସମସ୍ତ ସରକାରୀ କାର୍ଯ୍ୟାଳୟଗୁଡିକରେ ଚାଲୁଥିବା କାର୍ଯ୍ୟଗୁଡିକୁ ବନ୍ଦ କରାଇ କର୍ମଚାରୀମାନଙ୍କୁ କାର୍ଯ୍ୟାଳୟରୁ ବାହାରକୁ ପଠାଇ ଦେଇଥିଲେ । ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ, ଯୋଗାଣ ବିଭାଗ କାର୍ଯ୍ୟାଳୟ ସମେତ ସମସ୍ତ କାର୍ଯ୍ୟାଳୟର କର୍ମଚାରୀଙ୍କୁ ନିଜ ନିଜ ବିଭାଗରୁ ବାହାରିଯିବା ପାଇଁ କଂଗ୍ରସ ନେତା ଗଣେଶ୍ବର ଅନୁରୋଧ କରିଥିଲେ । ସେହିପରି ସ୍ବତଃପ୍ରବୃତ୍ତ ଭାବରେ ସମସ୍ତ ସରକାରୀ କର୍ମଚାରୀ ଏହି ଆନ୍ଦୋଳନରେ ସାମିଲ ହୋଇ କେନ୍ଦ୍ରାପଡ଼ା ବନ୍ଦ ସଫଳ କରାଇଥିବାରୁ ସେମାନଙ୍କୁ କଂଗ୍ରେସ ନେତା ଧନ୍ୟବାଦ ଜଣାଇଥିବା ସୂଚନା ମିଳିଛି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
