କେନ୍ଦ୍ରାପଡା: ଜିଲ୍ଲା ବିଜେପିରେ କେଁ । କିଏ ହେବ ବିଧାୟକ ପ୍ରାର୍ଥୀ ତାକୁ ନେଇ ଆଶାୟୀ ପ୍ରାର୍ଥୀଙ୍କ ମଧ୍ୟରେ କଳି ! ବୁଥ ସ୍ତରୀୟ କାର୍ଯ୍ୟକ୍ରମରେ ଜଣେ ଆଶାୟୀ ପ୍ରାର୍ଥୀଙ୍କର ପୋଷ୍ଟର କାହିଁକି ଲାଗିଛି ବୋଲି ପ୍ରଶ୍ନ କରିଛନ୍ତି ଅନ୍ୟ ଜଣେ ଆଶାୟୀ । ଏମିତିକି ଏହି ପାତର ଅନ୍ତର ପାଇଁ ଜିଲ୍ଲା ବିଜେପି ସଭାପତିଙ୍କୁ ଦାୟୀ କରିଛନ୍ତି ଜିଲ୍ଲା ସମ୍ପାଦିକା ତଥା ଆଶାୟୀ ପ୍ରାର୍ଥୀ ଗୀତାଞ୍ଜଳୀ ସେଠୀ । ଖାଲି ଏତିକି ନୁହଁ ପୂର୍ବତନ ବିଧାୟକ ପ୍ରାର୍ଥୀ ସୁନାକର ବେହେରାଙ୍କୁ ମଧ୍ୟ ବୁଝେଇ ସୁଝେଇ ସଭାକୁ ନିଆଯାଇଥିବା ଗୀତାଞ୍ଜଳିଙ୍କ ସମର୍ଥକ କହିଛନ୍ତି । ଫଳରେ ସଭା ସ୍ଥଳରେ କିଛି ସମୟ ପାଇଁ ବିଶୃଙ୍ଖଳା ସୃଷ୍ଟି ହୋଇଥିଲା ।
ଯେଉଁ ସ୍ଥାନରେ କାର୍ଯ୍ୟକ୍ରମ ହେଉଥିଲା ସେହି ଜୋନର ପ୍ରଭାରୀ ଥିଲେ ଗୀତାଞ୍ଜଳି । ହେଲେ ତାଙ୍କୁ ଅଣଦେଖା କରାଯାଇ ଅନ୍ୟ ଜଣେ ଆଶାୟୀଙ୍କ ମାଧ୍ୟମରେ ସମାବେଶ ଓ ସଭା କରାଯାଇଛି । ଯାହାକୁ ହଜମ କରିପାରି ନାହାନ୍ତି ଗୀତାଞ୍ଜଳୀ ସେଠୀ । ଆବଶ୍ୟକ ପଡିଲେ ଦଳର ବରିଷ୍ଠ ନେତାଙ୍କୁ ଜଣାଇବେ ବୋଲି କହିଛନ୍ତି ।
ତେବେ ଏ ସମ୍ପର୍କରେ ଜିଲ୍ଲା ସଭାପତି, ଦୁର୍ଯ୍ୟୋଧନ ସାହୁଙ୍କୁ ପଚାରିବାରୁ ସେ ପ୍ରସଙ୍ଗକୁ ଏଡାଇ ଯାଇ ସମସ୍ତଙ୍କୁ କୁହାଯାଇଥିଲା ନିଜ ନିଜର ହୋଡ଼ିଂ ଲଗାଇବା ପାଇଁ ତେଣୁ ସମସ୍ତେ ଲଗାଇଛନ୍ତି, ଆଜିର ସଭାରେ କିଛି ବିଶୃଙ୍ଖଳା ହୋଇ ନାହିଁ,ସମସ୍ତେ ମିଶି ବିଜେଡି ବିରୋଦ୍ଧରେ ଲଢ଼ିବେ ଓ ଗୀତାଞ୍ଜଳିଙ୍କ ତାଙ୍କ ପ୍ରତି ଅଭିଯୋଗ ଥିବା ପ୍ରସଙ୍ଗ ସେ ଜାଣି ନାହାନ୍ତି ବୋଲି କହିଛନ୍ତି । ସୂଚନା ରହିଛି କି ଅନ୍ତିମ ଦୁଇ ବିଧାନସଭା ଆସନ 2009 ଓ 2014ରେ ବିଜେପି କେନ୍ଦ୍ରାପଡ଼ାରେ ପରାଜୟ ବରଣ କରିଥିଲା ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
