କେନ୍ଦ୍ରାପଡ଼ା: ସ୍ବାଭିମାନର ପାଠ ପଢ଼ାଉଥିବା କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତିଙ୍କ ନାମରେ ପୁଣି ଏତଲା। ଗତ ୨୦୧୯ ସାଧାରଣ ନିର୍ବାଚନ ସମୟରେ ଜଣେ ବ୍ୟବସାୟୀଙ୍କ ଠାରୁ ଫ୍ଲେକ୍ସ ଓ ବ୍ୟାନର ପ୍ରିଣ୍ଟ କରିନେଇ ଠକି ଦେଇଛନ୍ତି ଅନୁଭବ। ଏନେଇ ବ୍ୟବସାୟୀ ସ୍ମୃତିରଞ୍ଜନ ସ୍ବାଇଁ କେନ୍ଦ୍ରାପଡ଼ା ସଦର ଥାନାରେ ପ୍ରଥମେ ଅନଲାଇନ ଯୋଗେ ଏତଲା ଓ ପରେ ବ୍ୟକ୍ତିଗତ ଭାବରେ ଦେଇଛନ୍ତି ଏତଲା।
ସୂଚନା ଅନୁଯାୟୀ ଗତ ୨୦୧୯ ନିର୍ବାଚନ ସମୟରେ ବିଭିନ୍ନ ସମୟରେ ଅନୁଭବଙ୍କ ନିର୍ବାଚନୀ ବ୍ୟାନର, ପୋଷ୍ଟର ଏବଂ ଗାଡି ଡେକୋରେସନ ପାଇଁ ଗରାପୁର ସ୍ଥିତ ବଳଦେବଜୀୟୁ ଆଡ଼ ମିଡ଼ିଆର ମାଲିକ ସ୍ମୃତିରଞ୍ଜନ ନିକଟରେ ଫ୍ଲେକ୍ସ ପ୍ରିଣ୍ଟ କରିଥିଲେ । ଦେୟ ବାବଦକୁ ମୋଟ 32,56,400 ଟଙ୍କା ହୋଇଥିବା ବେଳେ 21,10,961 ଟଙ୍କା ପାଇଥିଲେ। ତେବେ ଅବଶିଷ୍ଟ ବାକି ଟଙ୍କା ପାଇଁ ବାରମ୍ବାର ସାଂସଦ ଅନୁଭବଙ୍କ ପାଖକୁ ଯାଇ ନିରାଶ ହେବାପରେ ଆଜି ଏତଲା ଦେଇଛନ୍ତି ବ୍ୟବସାୟୀ ।
ପୁଣି ସାଂସଦ ଅନୁଭବଙ୍କ ନାଁରେ ଏତଲା, ବ୍ୟାନର କରି ଦେଲେନି ବାକି ଟଙ୍କା
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
