କେନ୍ଦ୍ରାପଡ଼ା: ଆଜି ସାରା ରାଜ୍ୟର 314 ବ୍ଲକରେ ଅନୁଷ୍ଠିତ ହେଉଛି ଅଧ୍ୟକ୍ଷ/ଅଧ୍ୟକ୍ଷା ପଦବୀ ପାଇଁ ନିର୍ବାଚନ । ସମସ୍ତ ବ୍ଲକର ହେଡ କ୍ବାର୍ଟରରେ ଉପସ୍ଥିତ ରହି ବିଭିନ୍ନ ପଞ୍ଚାୟତରୁ ନିର୍ବାଚିତ ସମିତିସଭ୍ୟ ମାନେ ନିଜ ପସନ୍ଦର ଅଧ୍ୟକ୍ଷ/ଅଧ୍ୟକ୍ଷା ପ୍ରାର୍ଥୀଙ୍କୁ ଭୋଟ ଦେବେ।କେନ୍ଦ୍ରାପଡ଼ା ଜିଲ୍ଲାର ମୋଟ ୯ଟି ବ୍ଲକରେ ପୂର୍ବାହ୍ନ ୧୧ଟା ସୁଦ୍ଧା ନାମାଙ୍କନ ପତ୍ର ଦାଖଲ ହୋଇଥିବା ବେଳେ ୪ଟି ବ୍ଲକରେ ଅଧ୍ୟକ୍ଷା/ଅଧ୍ୟକ୍ଷ ନିର୍ଦ୍ୱନ୍ଦରେ ନିର୍ବାଚିତ ହୋଇଥିବା ସୂଚନା ମିଳିଛି । କେନ୍ଦ୍ରାପଡ଼ା ବ୍ଳକରୁ ରଶ୍ମିତା ସେଠୀ ନିର୍ଦ୍ୱନ୍ଦରେ ନିର୍ବାଚିତ ହୋଇଥିବା ବେଳେ ଆଳି ବ୍ଳକରୁ ମନୋରଞ୍ଜନ ସାମଲ,ମହାକାଳପଡ଼ା ବ୍ଳକରୁ କଳ୍ପନା ରାଉତ ଓ ମାର୍ଶାଘାଇ ବ୍ଳକରୁ ମଧୁସ୍ମିତା ସାମଲ ନିର୍ଦ୍ୱନ୍ଦରେ ନିର୍ବାଚିତ ହୋଇଥିବା ସୁଚନା ମିଳିଛି।ଅନ୍ୟ ୫ଟି ବ୍ଲକରେ ଭୋଟିଂ ପ୍ରକ୍ରିୟା ଜାରି ରହିଥିବା ବେଳେ ପୋଲିସ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
