କେନ୍ଦ୍ରାପଡା: ଜିଲ୍ଲା ବିଜେଡି ସଭାପତି ଭାବେ ଉତ୍କଳ କେଶରୀ ପରିଡ଼ା ନିର୍ଦ୍ବନ୍ଦରେ ନିର୍ବାଚିତ ହୋଇଛନ୍ତି । ସଭାପତି ଭାବେ ନିର୍ବାଚିତ ପରେ ଦଳୀୟ ନେତା ଓ କର୍ମୀ ମାନେ ପହଞ୍ଚି ତାଙ୍କୁ ଫୁଲତୋଡା ଦେଇ ସମ୍ବର୍ଦ୍ଧିତ କରିଛନ୍ତି । ଏହି କାର୍ଯ୍ୟକ୍ରମରେ ଶତାଧିକ ବିଜେଡି କର୍ମୀ ଯୋଗ ଦେଇଥିଲେ ।
କେନ୍ଦ୍ରାପଡ଼ାର ବିଜେଡି ସଭାପତି ହେଲେ ଉତ୍କଳ କେଶରୀ ପରିଡ଼ା
ଉତ୍କଳ କେଶରୀ ୨୦୦୪ରୁ କେନ୍ଦ୍ରାପଡା ବିଧାୟକ ଓ ଏବେ ଚିଲିକା ଉନ୍ନୟନ ପରିଷଦର ଅଧ୍ୟକ୍ଷ ଭାବେ କାର୍ଯ୍ୟ କରୁଛନ୍ତି । ତେବେ ବିଜୁ ଲିଗାସିରୁ ଢେର ଦିନ ଦୂରରେ ରହିବା ପରେ ଗତ ସାଧାରଣ ନିର୍ବାଚନ ସମୟରେ ବିଜେପି ଦଳ ଛାଡି ସେ ବିଜେଡିରେ ଯୋଗ ଦେଇଥିଲେ।
ବିଜୁ ଜନତା ଦଳର ରାଜ୍ୟ ସଭାପତି ନବୀନ ପଟ୍ଟନାୟକଙ୍କ ଆସ୍ଥା ଓ ବିଶ୍ବାସଭାଜନ ହୋଇ ପାରି ଜିଲ୍ଲାର ସାମଗ୍ରିକ ବିକାଶରେ ସେ ଯୋଗଦାନ କରିବା ସହିତ ବିକାଶକୁ ତ୍ବରାନ୍ବିତ କରିବେ ବୋଲି କହିଛନ୍ତି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
