କେନ୍ଦ୍ରାପଡା: ସରକାରୀ ଜମି ଜବର ଦଖଲକୁ ନେଇ ଭାଇ-ଭାଇ ମଧ୍ୟରେ ଗଣ୍ଡୋଗୋଳ । ସାନ ଭାଇର କାଠ ଫାଳିଆ ମାଡରେ ବଡଭାଇ ଓ ଭାଉଜ ଗୁରୁତର । ଉଭୟଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣାଟି ଘଟିଛି କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଥାନା ଅଧିନସ୍ଥ ବଡପଡା ପାଇକସ୍ତା ଗାଁରେ ।
ଗୁରୁତର ହେଲେ ଶିଫୁଲା ମଳିକ ଓ ତାଙ୍କ ପତ୍ନୀ ଅନସୁୟା ମଳିକ । ମିଳିଥିବା ସୂଚନା ଅନୁଯାୟୀ, ଗତ ସୋମବାର ରାତିରେ ଜମିବାଡିକୁ କେନ୍ଦ୍ର କରି 4 ଭାଇଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ସାନ ଭାଇ ଏକ କାଠ ଫାଳିଆରେ ବଡ ଭାଇ ଓ ଭାଉଜକୁ ଆକ୍ରମଣ କରିଥିଲା । ଏଥିରେ ଉଭୟେ ଗୁରୁତର ଆହତ ହୋଇଥିଲେ । ସେମାନଙ୍କୁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ବର୍ତ୍ତମାନ ମଧ୍ୟରେ ଏହି ଘଟଣାକୁ ନେଇ ଉତ୍ତେଜନା ଲାଗି ରହିଛି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
