କେନ୍ଦ୍ରାପଡ଼ା: ଲୁଟ ଉଦ୍ୟମ ଯୋଜନାକୁ ପଣ୍ଡ କଲା ପଟ୍ଟାମୁଣ୍ଡାଇ ପୋଲିସ । ପଟ୍ଟାମୁଣ୍ଡାଇ ଥାନା ଅନ୍ତର୍ଗତ ଚୁନଡିହ ପାଖ ପେଟ୍ରୋଲ ପମ୍ପରୁ ଲୁଟ କରିବା ପାଇଁ ଯୋଜନା କରୁଥିବା ନେଇ ପୋଲିସ ଆଗରେ ସ୍ବୀକାର କରିଛନ୍ତି ଏହା କେନ୍ଦ୍ରାପଡା ଏସପି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଗତକାଲି ବିଳମ୍ବିତ ରାତିରେ ପଟ୍ଟାମୁଣ୍ଡାଇ ଆଦର୍ଶ ଥାନା ଅନ୍ତର୍ଗତ କଖାରୁଣୀ ପୋଲ ରାଜନଗର ରାସ୍ତାରେ ଯାଉଥିବା ଲୋକମାନଙ୍କ ଠାରୁ ବନ୍ଧୁକ ଦେଖାଇ ଲୁଟ କରିବାକୁ ଯୋଜନା କରୁଥିଲେ କିଛି ଦୁର୍ବୃତ୍ତ । ବିଶେଷ ସୂତ୍ରରୁ ଖବର ପାଇ ପୋଲିସ ସେହି ସ୍ଥାନରେ ଅତର୍କିତ ଚଢାଉ କରି ଚାରି ଦୁର୍ବୃତ୍ତଙ୍କୁ କାବୁକରିନେଇଥିଲା ବେଳେ ଦୁଇ ଜଣ ଫେରାର ହୋଇଯାଇଛନ୍ତି । ଗିରଫ ଚାରି ଦୁର୍ବୃତ୍ତ ହେଲେ ପଟ୍ଟାମୁଣ୍ଡାଇ ଥାନା କଖାରୁଣୀ ଗାଁର ବିଶ୍ବଜିତ ପ୍ରଧାନ, ପୋଖରିଆପଡା ଗାଁର ରୋହିତ ବଳ,ନରସିଂହପୁର ଗାଁର ରାଜେନ୍ଦ୍ର ବେହେରା ଓ ଡେରାବିଶ ଥାନା ବାଘିଲୋ ବାବନପୁର ଗାଁର ସୁମନ୍ତ ଜେନା । ତେବେ ଏମାନଙ୍କ ନାଁରେ ବିଭିନ୍ନ ଥାନାରେ ଅନେକ ଅପରାଧିକ ମାମଲା ରହିଛି ବୋଲି ଏସପି କହିଛନ୍ତି ।
ଗିରଫ ଅଭିଯୁକ୍ତ ମାନଙ୍କ ଠାରୁ ପୋଲିସ ଏକ ଦେଶୀ ବନ୍ଧୁକ , ୪ଟି ଜୀବନ୍ତ ଗୁଳି, ଗୋଟିଏ ଖଣ୍ଡା ,ଗୋଟିଏ ଭୁଜାଲି , ଦୁଇଟି ଲୁହା ରୋଡ,ଲୁଟ ଯୋଜନାର ରୋଡ ମ୍ୟାପ , ମଦ ବୋତଲ ପ୍ଲାଷ୍ଟିକ ଗ୍ଲାସ ଓ ଏକ ମ୍ୟାଷ୍ଟ୍ରୋ ବାଇକ ଜବତ କରାଯାଇଛି । ଖୁବ ଶିଘ୍ର ଫେରାର ଦୁଇ ଅପରାଧିଙ୍କୁ ଗିରଫ କରିବାକୁ ବିଭିନ୍ନ ସନ୍ଦିଗ୍ଧ ସ୍ଥାନ ମାନଙ୍କରେ ଚଢାଉ କରାଯାଉଛି ବୋଲି ଏସପି ସୂଚନା ଦେଇଛନ୍ତି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି,ଇଟିଭି ଭାରତ
