କେନ୍ଦ୍ରାପଡ଼ା: ରାଜନଗର ଥାନା ଝାଡକଟା ଗାଁରେ ଅଗ୍ନିକାଣ୍ଡ । ଅଗ୍ନିକାଣ୍ଡରେ ୨ ବଖରା ଗୁହାଳଘର ଭସ୍ମୀଭୂତ । ଏଥିରେ ୪ଟି ଗାଈ ଓ ଗୋଟିଏ ବାଛୁରୀ ଜୀବନ୍ତ ଦଗ୍ଧ ହୋଇଛନ୍ତି । ପଞ୍ଚାନନ ରାଉତ ଏବଂ ବଟକୃଷ୍ଣ ରାଉତଙ୍କ ଗୁହାଳ ଘରେ ଗତକାଲି ବିଳମ୍ବିତ ରାତ୍ରିରେ ଅଗ୍ନିକାଣ୍ଡ ଘଟିଥିଲା ।
ଗୁହାଳରେ ଲାଗିଲା ନିଆଁ, ୪ ଗାଈ ଜୀବନ୍ତ ଦଗ୍ଧ
ବିଳମ୍ବିତ ରାତ୍ରିରେ ଅଗ୍ନିକାଣ୍ଡ ଘଟିଥିବାରୁ କେହି କିଛି ଜାଣିବା ଆଗରୁ ସବୁ କିଛି ଛାରଖାର ହୋଇଯାଇଥିଲା । ଆଖପାଖ ଲୋକ ଗୁହାଳ ଘର ଜଳୁଥିବାର ଦେଖି ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବରପାଇ ଅଗ୍ନିଶମବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛି । ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ । ଅନ୍ୟପଟେ ଗାଈ ଗୁଡିକୁ ବଞ୍ଚାଇବାକୁ ଯାଇ ପଞ୍ଚାନନଙ୍କ ପୁଅ ମଧ୍ୟ ଏହି ଅଗ୍ନିକାଣ୍ଡରେ ଆହତ ହୋଇଛନ୍ତି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
