ଫୁଲବାଣୀ: ଦ୍ବିତୀୟ ପର୍ଯ୍ୟାୟରେ ଆସନ୍ତା 18 ତାରିଖରେ କନ୍ଧମାଳ ଲୋକସଭା କ୍ଷେତ୍ରରେ ହେବ ଭୋଟ ଗ୍ରହଣ। ସେଥିପାଇଁ ପ୍ରଚାର ମଧ୍ୟ ସରଗରମ ହୋଇଛି । ଏହା ସହିତ ଜିଲ୍ଲାର କୋଣ ଅନୁକୋଣରୁ ଆରମ୍ଭ କରି ଗାଁ ଗଣ୍ଡା, ସହର ବଜାରରେ ଭୋଟକୁ ନେଇ ଲାଗିଛି ଜୋରଦାର ଚର୍ଚ୍ଚା।
ଭିଡିଓ ସୌଜନ୍ୟ- ସମ୍ବାଦଦାତା, କନ୍ଧମାଳ
ଛକ ମାନଙ୍କରେ ଥିବା ଚା' ଖଟି ହେଉ କିମ୍ବା ଦୋକାନ ବଜାର ନିଜ ନିଜ ମଧ୍ୟରେ ଅନେକ ବିଷୟରେ ଚର୍ଚ୍ଚା କରୁଛନ୍ତି ଭୋଟର। ଜିଲାରେ ସ୍ବାସ୍ଥ୍ୟ, ଶିକ୍ଷାର ଅବ୍ୟବସ୍ଥା ସହିତ ପାଣି , ଜଙ୍ଗଲ, ଜମିର ଉପେକ୍ଷାକୁ ନେଇ ସରଗରମ ହେଉଛି ଆଲୋଚନା । କିଏ ପରିବର୍ତ୍ତନ ଚାହୁଁଛି ତ, କିଏ ପୁଣି ମୌଳିକ ସମସ୍ୟାର ସମାଧାନ।
ବିଭିନ୍ନ ଦଳର ଆଭିମୁଖ୍ୟ ଓ ପ୍ରତିଶ୍ରୁତି ପ୍ରତାରଣାରେ ଜର୍ଜରିତ ଭୋଟର ଏବେ ଉତ୍ତର ଚାହୁଁଛି। ଏମିତି ଏକ ଚର୍ଚ୍ଚିତ ସ୍ଥାନ ଫୁଲବାଣୀ ବିଜୁ ପଟ୍ଟନାୟକ ଛକରେ ଆମ ଟିମ ଭେଟିଥିଲେ ବିଭିନ୍ନ ବର୍ଗର ଭୋଟରଙ୍କୁ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
