ଫୁଲବାଣୀ: ଅଦିନିଆ ବର୍ଷାରେ ଭିଜୁଛି ଓଡିଶା । ଯାହାର ପ୍ରଭାବ କନ୍ଧମାଳ ଜିଲ୍ଲାରେ ମଧ୍ୟ ଦେଖିବାକୁ ମିଳିଛି । ଜିଲ୍ଲାରେ ଲାଗି ରହିଛି ଝିପିଝିପି ବର୍ଷା । ଶୀତମାଡକୁ ଏପଟେ ଅଦିନିଆ ବର୍ଷା, ଫଳରେ ଜନଜୀବନ ପ୍ରଭାବିତ ହୋଇଛି ।
ଅଦିନିଆ ବର୍ଷାରେ ଭିଜୁଛି ଓଡିଶା, କନ୍ଧମାଳରେ ଜନଜୀବନ ପ୍ରଭାବିତ
ଫୁଲବାଣୀ, ବାଲିଗୁଡା, ତୁମୁଡିବନ୍ଧ, କୋଟଗଡ, ଫିରିଙ୍ଗିଆ, ଖଜୁରିପଡା ସବୁଠି ଲଗାଣବର୍ଷାକୁ କୋହଲା ପାଗ ଲାଗିରହିଛି । ଫଳରେ ବଡଦିନ ଛୁଟି ପରେ ଶୁକ୍ରବାର ସ୍କୁଲ ଖୋଲିଥିବାରୁ ଛାତ୍ରଛାତ୍ରୀ ନାନା ହଇରାଣ ହରକତ ହୋଇଛନ୍ତି । ଅନ୍ୟପଟେ ଆଗକୁ ଦୁଇ ଦିନ ଏପରି ପାଗ ରହିବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
