ଫୁଲବାଣୀ: ଫୁଲବାଣୀ ଜିଲ୍ଲା କାରାଗାରରେ ଦୁଷ୍କର୍ମ ମାମଲରେ ଜଣେ ବିଚାରଧୀନ କଏଦୀଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତକ ଜଣକ ହେଲେ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅନ୍ତର୍ଗତ ଲମ୍ବାଗୁଡ଼ରି ଗ୍ରାମର ନିଳାମ୍ବର ମାଝୀ (୬୫) । ଗତ ୮ ଫେବୃଆରୀ ୨୦୨୧ରେ ଏକ ଦୁଷ୍କର୍ମ ମାମଲାରେ ଫୁଲବାଣୀ ଜେଲରେ ରହି ଆସୁଥିଲେ ସେ ।
ଆଜି(ବୁଧବାର) ସକାଳ 8ଟାରେ ଗାଧୋଇ ଟିଭି ଦେଖୁଥିବା ବେଳେ ହଠାତ ତଳେ ପଡିଯାଇଥିଲେ । ଜେଲ କର୍ତ୍ତୃପକ୍ଷ ନୀଳାମ୍ବରଙ୍କୁ ସଙ୍ଗେସଙ୍ଗେ ଫୁଲବାଣୀ ମେଡିକାଲକୁ ନେଇଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ତେବେ କଏଦୀ କ’ଣ ପାଇଁ ମୃତ୍ୟୁବରଣ କଲେ ତାହା ସ୍ପଷ୍ଟ ହୋଇପାରିନାହିଁ ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
