କନ୍ଧମାଳ: ବଡ ଧୁମଧାମରେ ରଜପର୍ବ ପାଳନ କରୁଛନ୍ତି କନ୍ଧମାଳର କୁମାରୀମାନେ। ଫୁଲବାଣୀରେ ରଜ ଉତ୍ସବରେ ସାମିଲ ହୋଇଛନ୍ତି ଓଲିଉଡ ଷ୍ଟାର । ଅପ କମିଙ୍ଗ ଫିଲ୍ମ 'ମୁଁ ପରଦେଶୀ ଚଢ଼େଇ'ର ହିରୋ ଅର୍ଦ୍ଧେନ୍ଦୁ ଫୁଲବାଣୀ ରଜ ସେଲିବ୍ରେସନରେ ସାମିଲ ହୋଇ ସମସ୍ତଙ୍କୁ ଉତ୍ସାହିତ କରିଥିଲେ ।
ଭିଡିଓ ସୌଜନ୍ୟ : ସମ୍ବାଦଦାତା,କନ୍ଧମାଳ
କୁନି କୁନି କଳାକାରଙ୍କ ସହ ନାଚିଥିଲେ ଅର୍ଦ୍ଧେନ୍ଦୁ । ଫିଲ୍ମ ଗୀତର ଧୁମରେ ଜୋରଦାର ଝୁମିଥିଲେ ସମସ୍ତ ଦର୍ଶକ। ନୃତ୍ୟ ଅନୁଷ୍ଠାନ ଡ୍ୟାନ୍ସ ଏକାଡେମୀ ପକ୍ଷରୁ ହୋଇଥିବା ଏହି କାର୍ଯ୍ୟକ୍ରମରେ ଜିଲ୍ଲାର ଅନେକ ଲୋକ ସାମିଲ ହୋଇଥିଲେ।
ଉତ୍ସବରେ ବିଧାୟକ ଅଙ୍ଗଦ କହଁର,ଜନଜାତି ବିକାଶ ପରିଷଦ ଅଧ୍ୟକ୍ଷ ରୋଦନ ମଲିକ,ପୂର୍ବତନ ସରକାରୀ ପବ୍ଲିକ ପ୍ରସିକ୍ୟୁଟର ଅନିଲ କୁମାର ପ୍ରଧାନ,ଡିସିଓ ଟଙ୍କଧର ଭୋଇ ପ୍ରମୁଖ ଉପସ୍ଥିତ ଥିଲେ।
କନ୍ଧମାଳରୁ ସଦାଶିବ ପାତ୍ର,ଇଟିଭି ଭାରତ
