ଫୁଲବାଣୀ: ଗଞ୍ଜେଇ ଚାଲାଣ ବେଳେ ମାଡି ବସିଲା ଅବକାରୀ ବିଭାଗ । ୨୪ କେଜି ଗଞ୍ଜେଇ (Cannabis Seized) ସହ ୨ ଅଭିଯୁକ୍ତକୁ ଗିରଫ କଲା କନ୍ଧମାଳ ଅବକାରୀ ବିଭାଗ (Kandhamal Excise Department ) । ଗିରଫ ଦୁଇ ଅଭିଯୁକ୍ତ ହେଉଛନ୍ତି ଫିରିଙ୍ଗିଆ ଥାନା ଅନ୍ତର୍ଗତ ମୋତିଙ୍ଗୀଆ ଗ୍ରାମର ଦେବରାଜ କହଁର ଓ କୁମ୍ବୁରୀଗୁଡ଼ାର ପବିତ୍ର ମଲ୍ଲିକ ।
ଚାଲାଣ ବେଳେ ମାଡି ବସିଲା ଅବକାରୀ ବିଭାଗ, ୨୪ କେଜି ଗଞ୍ଜେଇ ଜବତ ୨ଗିରଫ
ସୂଚନା ଅନୁଯାୟୀ ଫିରିଙ୍ଗିଆ ଥାନା ନୂଆ ପଦର ଠାରୁ ବାହାର ଜିଲ୍ଲାକୁ ଗଞ୍ଜେଇ ଚୋରା ଚାଲାଣ ହେଉଥିବା ନେଇ ଏକ ବିଶେଷସୁତ୍ରରୁ ଅବକାରୀ ବିଭାଗ ଖବର ପାଇଥିଲା । ଏହାପରେ କଲେଜ ଛକ ଠାରେ ଏକ କାରକୁ ଅଟକାଇ ସର୍ଚ୍ଚ ଅପରେସନ କରି ୨୪ କେଜି ଗଞ୍ଜେଇ ଜବତ କରିଥିଲା ଅବକାରୀ ବିଭାଗ । ତେବେ ୨ ଅଭିଯୁକ୍ତକୁ ଗିରଫ ପରେ ଉଭୟଙ୍କୁ ଏନଡ଼ିପିଏସ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
