ଫୁଲବାଣୀ: ବିପୁଳ ପରିମାଣରେ ଗଞ୍ଜେଇ ଜବତ ହୋଇଛି । କନ୍ଧମାଳ ଜିଲ୍ଲା ବାଲିଗୁଡା ପୋଲିସ ୩୮୩ କେଜି ୫୫୦ଗ୍ରାମ ଜବତ କରିଛି । ଯାହାର ଅନୁମାନିକ ମୂଲ୍ୟ ୨୦ ଲକ୍ଷରୁ ଅଧିକ ହେବ ବୋଲି ଜଣାପଡିଛି । ବାଲିଗୁଡା ପୋଲିସ ଟିମ ପାଟ୍ରୋଲିଂ କରୁଥିବା ବେଳେ ବିଳମ୍ବିତ ରାତିରେ ମହାସିଂଙ୍ଗ ପୁରୁଣା ସାହି ଦେଇ ବଗାଡ ଆଡୁ ଏକ ଟ୍ରାକ୍ଟର ଆସୁଥିଲା । ପୋଲିସକୁ ଦେଖି ଟ୍ରାକ୍ଟର ଦୃତ ଗତିରେ ନୂଆଁଗା ଅଭିମୁଖେ ପଳାଉଥିବା ବେଳେ ପଥପ୍ରାନ୍ତ ସେବା କେନ୍ଦ୍ର ନିକଟରୁ ଗାଡିକୁ ପୋଲିସ ଅଟକାଇଥିଲା ।
ବିପୁଳ ପରିମାଣରେ ଗଞ୍ଜେଇ ଜବତ
ଗାଡିରୁ 15 ବସ୍ତା ଗଞ୍ଜେଇ ଜବତ କରିଥିଲା ପୋଲିସ । ତେବେ ଏହି ଘଟଣାରେ ପୋଲିସ ସଞ୍ଜିବ ଖଟୁଆକୁ ଗିରଫ କରିବା ସହ କୋର୍ଟ ଚାଲଣ କରାଯିବ ବୋଲି ଏସଡିପିଓ କହିଛନ୍ତି । ତେବେ ଗିରଫ ହୋଇଥିବା ବ୍ୟକ୍ତିଙ୍କ ଘର ମହାସିଂଙ୍ଗ ପୁରୁଣା ସାହିରେ ବୋଲି ଜଣା ପଡିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
