ଫୁଲବାଣୀ: କନ୍ଧମାଳ ଜିଲ୍ଲାରୁ ପଶ୍ଚିମବଙ୍ଗ ଚାଲାଣ ହେଉଥିବାବେଳେ ବାଲିଗୁଡା ପୋଲିସ ଗଞ୍ଜେଇ ଜବତ କରିଛି । ପଶ୍ଚିମବଙ୍ଗ ମୁର୍ସିଦାବାଦର ଚାରି ଜଣ ହୋଇଥିବା ବେଳେ କନ୍ଧମାଳର ଜଣକୁ ଏହି ଚାଲାଣ ବେଳେ ଧରିଛି ପୋଲିସ ।
ବାଲିଗୁଡା ପରମପାଙ୍ଗାରୁ ଗଞ୍ଜେଇ ନେଇ ଯାଉଥିବା ବେଳେ ବାଲିଗୁଡା ଛକରେ ପୋଲିସ ଯାଞ୍ଚ ପାଇଁ ଅଟକାଇବା ବେଳେ ନ ଅଟକି ଦ୍ରୁତ ଗତିରେ ଗାଡିଟି ଫେରାର ହୋଇଯାଇଥିଲା । ଏହାପରେ ପୋଲିସ ଗାଡିକୁ ପିଛା କରି 62 କିଲୋଗ୍ରାମ ଓଜନ ଗଞ୍ଜେଇ ସହ କାରକୁ ଜବତ କରିଛି । ଗିରଫ ଅଭିଯୁକ୍ତ ମାନେ ହେଲେ ମୁର୍ସିଦାବାଦର କାଶେମ ଶେଖ୍, କାଜଦାର ଶେଖ୍, ମିଥୁନ୍ ଶେଖ, ପିକୁଲୁ ବିଶ୍ବାସ ଏବଂ କନ୍ଧମାଳ କୁର୍ତମଗଡର ମଦନ ଦିଗାଲ । ଗିରଫ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଜାମିନ୍ ନାମଞ୍ଜୁର ହେବାରୁ ଜେଲ ହାଜତକୁ ପଠାଯାଇଛି ।
ସେମାନଙ୍କ ନାଁରେ ବାଲିଗୁଡା ଥାନାରେ 130/2019 ମାମଲା ରୁଜୁ କରାଯାଇଛି । ଥାନା ଅଧିକାରୀ ପ୍ରଶାନ୍ତ କୁମାର ବେହେରା ଅଧିକ ତଦନ୍ତ ଜାରି ରହିଛି ବୋଲି କହିଛନ୍ତି।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
