ଫୁଲବାଣୀ : ଫୁଲବାଣୀ ମୁଖ୍ୟ ଚିକିତ୍ସାଳୟ(phulbani dist hospital)ର ମହିଳା ଓ ଶିଶୁ ୱାର୍ଡରେ ବିସ୍ଫୋରଣ । ଏଥିରେ କୌଣସି କ୍ଷୟକ୍ଷତି ହୋଇ ନଥିବାବେଳେ କେହି ମୃତାହତ ହୋଇ ନାହାଁନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, ବୁଧବାର ବିଳମ୍ବିତ ରାତିରେ ମହିଳା ଶିଶୁ ୱାର୍ଡରେ ବ୍ୟାଟେରୀ ଟ୍ରାନ୍ସଫର୍ମରରୁ ବିସ୍ଫୋରଣ ହୋଇଥିଲା ।
Phulbani District Hospital : ମହିଳା ଶିଶୁ ୱାର୍ଡରେ ବିସ୍ଫୋରଣ
ଫଳରେ ରୋଗୀ ଓ ସମ୍ପର୍କୀୟ ବୋମା ଫୁଟିଥିବା ଆଶଙ୍କା କରି ଡାକ୍ତରଖାନାର ଉପର ମହଲାରୁ ତଳ ମହଲାକୁ ଦୌଡ଼ି ପଳାଇ ଆସିଥିଲେ । ନବଜାତ ଶିଶୁକୁ ଧରି ମେଡିକାଲ ବାହାରେ ଏଣେତେଣେ ଦୌଡିବାକୁ ଲାଗିଥିଲେ ମହିଳା । ଏହି ଦୁର୍ଘଟଣାରେ କେହି କିଛି ହୋଇନଥିବା ସୂଚନା ମିଳିଛି । ଏତେ ବଡ ଧରଣର ବିସ୍ଫୋରଣ ଘଟିଥିଲେ ମଧ୍ୟ କେହି ଘଟଣାସ୍ଥଳରେ ପହଞ୍ଚି ନାହାନ୍ତି । ଯାହାକୁ ନେଇ ଚର୍ଚ୍ଚା ଜୋର ଧରିଛି ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
