ଫୁଲବାଣୀ : ବନ୍ଧୁ ସାଜିଲା ସଇତାନ । ମଦ ନିଶାରେ ୫ଶହ ଟଙ୍କା ପାଇଁ ବନ୍ଧୁର ଜୀବନ ନେଲା ଯୁବକ । କନ୍ଧମାଳ ଜିଲ୍ଲା ସାରଙ୍ଗଡ଼ ଥାନା ଅଞ୍ଚଳରେ ଘଟିଛି ଏଭଳି ଜଘନ୍ୟ ହତ୍ୟାକାଣ୍ଡ । ଏହି ହତ୍ୟାକାଣ୍ଡଟି ସାରଙ୍ଗଡ଼ ଏସବିଆଇ ଏଟିଏମ ନିକଟରେ ଘଟିଛି । ଦୁଇ ଜଣ ସାଙ୍ଗ ହୋଇ ମଦ ପିଇବାପରେ କୌଣସି କାରଣକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଜଣେ ଯୁବକ ଅନ୍ୟଜଣକୁ ପଥରରେ ଛେଚି ହତ୍ୟା କରିଥିବା ସୂଚନା ମିଳିଛି । ଏହି ଘଟଣାରେ ପୋଲି ଅଭିଯୁକ୍ତ ମନୋଜ ପୂଜାରୀ ଓରଫ ଉଲୁକୁ ପୁଲିସ ଅଟକ ରଖିଛି। ଏହାସହ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
ସୂଚନା ଅନୁଯାୟୀ, ଗତ ମଙ୍ଗଳବାର ରାତି ସାରଙ୍ଗଡ ପୁରୁଣା ସାହିର ଦୁଇଜଣ ସାଙ୍ଗ ମନୋଜ ଓ ଜିତେନ୍ଦ୍ର ଭୋଜି ଭାତ କରିବା ପାଇଁ ବାହାରକୁ ଯାଇଥିଲେ । ସେଠାରେ କୌଣସି କାରଣରୁ ସେମାନଙ୍କ ମଧ୍ୟରେ ବଚସା ହୋଇଥିଲା । ଏହା ଉଗ୍ରରୂପ ଧରିବା ପରେ ଗଣ୍ଡଗୋଳ ସୃଷ୍ଟି ହୋଇଥିଲା । ପରେ ରାତି ପ୍ରାୟ ୧୦ଟା ବେଳେ ଦୁଇ ସାଙ୍ଗ ହୋଇ ମଦ ପିଇବାକୁ ଯାଇଥିଲେ ।
ମଦ ପିଇ ମାତାଲ୍ ହେବାପରେ କୌଣସି କାରଣରୁ ଉଭୟଙ୍କ ମଧ୍ୟରେ ପୁଣି ବଚସା ହୋଇଥିଲା। ପରେ ଏହା ଉଗ୍ର ରୂପ ଧାରଣ କରିଥିଲା । ପ୍ରତିଶୋଧ ପରାୟଣ ହୋଇ ମନୋଜ ଜିତେନ୍ଦ୍ର ପୁଜାରୀଙ୍କ ମୁଣ୍ଡକୁ ଏକ ପଥରର ଛେଚି ଦେଇଥିଲା । ଫଳରେ ତାଙ୍କର ମୃତ୍ୟୁ ହୋଇଥିଲା । ଖବରପାଇ ଘଟଣାସ୍ଥଳରେ ସାରଙ୍ଗଡ଼ ଥାନା ପୋଲିସ୍ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ସାରଙ୍ଗଡ଼ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଛି । ଏହାସହ ସାରଙ୍ଗଡ଼ ଥାନା ପୁରୁଣା ସାହିର ଅଭିଯୁକ୍ତ ମନୋଜ ପୂଜାରୀ ଓରଫ୍ ଉଲୁକୁ ଥାନାରେ ଅଟକ ରଖି ହତ୍ୟାକାଣ୍ଡ ଘଟିଥିବା ସ୍ଥାନରୁ ତଦନ୍ତ ଆରମ୍ଭ କରିଛି ।
ଏହାମଧ୍ୟ ପଢ଼ନ୍ତୁ. କାହିଁକି ଶୀତଋୁତରେ ହୃଦୟ-ମସ୍ତିଷ୍କ ଆଘାତ ଅଧିକ ହୁଏ, ଖୁଲାସା କଲେ ବିଶେଷଜ୍ଞ
ହତ୍ୟାକାଣ୍ଡରେ ମୃତ୍ୟୁବରଣ କରିଥିବା ବ୍ୟକ୍ତି ସାରଙ୍ଗଡ଼ ଥାନା ପୁରୁଣା ସାହିର ଜିତେନ୍ଦ୍ର ପୁଜାରୀ ବୋଲି ଜଣାପଡ଼ିଛି । ଘଟଣାର ଅଧିକ ତଦନ୍ତ ପାଇଁ ଜି.ଉଦୟଗିରି SDPO ଟିଡ଼ିଆର ପଟ୍ଟନାୟକ, ସାରଙ୍ଗଡ଼ ଥାନାଧିକାରୀ ବଧୁୁଲିକା ବିଶ୍ୱାଳ ଓ ସାଇଣ୍ଟିଫିକ ଟିମ୍ ପହଞ୍ଚି ତଦନ୍ତ କରିଛନ୍ତି । ସାରଙ୍ଗଡ଼ ଥାନା ଏ ସମ୍ପର୍କରେ ଏକ ମାମଲା ରୁଜ୍ଜୁ କରି ମୃତଦେହକୁ ବ୍ୟବଚ୍ଛେଦ ପାଇଁ ବାଲିଗୁଡା ଉପଖଣ୍ଡ ଡାକ୍ତରଖାନା ପଠାଇଛନ୍ତି । ଏହାସହ ଅଭିଯୁକ୍ତକୁ କୋର୍ଟଚାଲଣ କରାଯାଇଛି । ଏହି ଘଟଣା ପରେ ସ୍ଥାନୀୟ ଅଞ୍ଚରେ ଏକ ଭୟର ବାତାବରଣ ଖେଳି ଯାଇଛି । ସେପେଟେ ମୃତକଙ୍କ ପରିବାର ଲୋକେ ପୁଅକୁ ହରାଇ ମୁଣ୍ଡ ପିଟି କାନ୍ଦୁଛନ୍ତି ।
ଗ୍ରାମବାସୀ ମଧ୍ୟ ଏହାକୁ ନେଇ ଅଭିଯୁକ୍ତକୁ କୋଠୋରରୁ କୋଠୋର ଦଣ୍ଡ ଦେବାକୁ କହିଛନ୍ତି । ପୋଲିସ ଏହି ଘଟଣାର ତଦନ୍ତ କରୁଥିବା ବେଳେ ଅଭିଯୁକ୍ତକୁ ପଚରାଉଚରା ବି କରୁଛି। କେଉଁ କାରଣରୁ ଅଭିଯୁକ୍ତ ଏଭଳି ଘଟଣା ଘଟାଇଲା ତାହା ଏବେ ଯାଏଁ ଜଣାପଡ଼ିନି ।
ଇଟିଭି ଭାରତ, କନ୍ଧମାଳ
