ପୁଲବାଣୀ: ଖୋଲା ଆକାଶ ତଳେ ଚାଲିଛି ଥାନା । କୋରୋନା ପଜିଟିଭ ଚିହ୍ନଟ ପରେ ଥାନା ବାହାରେ ଚାଲିଛି । ତମ୍ବୁ ଟାଣି ଗେଟ ପାଖରେ ବସୁଛନ୍ତି ଥାନା ଅଧିକାରୀ ଓ କର୍ମଚାରୀ । ଏ ଭଳି ଦୃଶ୍ୟ ଦେଖିବାକୁ ମିଳିଛି କନ୍ଧମାଳ ଜିଲ୍ଲା ଫୁଲବାଣୀ ଟାଉନ ଥାନାରେ ।
ସୂଚନା ଥାଉକି ଫୁଲବାଣୀ ଟାଉନ ଥାନାରେ ଜଣେ କର୍ମଚାରୀ କୋରୋନା ପଜିଟିଭ ଚିହ୍ନଟ ହୋଇଥିଲେ । ଏହା ପରେ ଥାନାର କାର୍ଯ୍ୟ ଖୋଲା ଆକାଶ ତଳେ ବାହାରେ ତମ୍ବୁ ଟାଣି କରାଯାଉଛି । ସମ୍ପୃକ୍ତ କୋରୋନା ଯୋଦ୍ଧା ଆକ୍ରାନ୍ତଙ୍କୁ କୋଭିଡି ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ସତର୍କତା ଦୃଷ୍ଟିରୁ ପୋଲିସ ପକ୍ଷରୁ ପଦକ୍ଷେପ ଗ୍ରହଣ କରିଛି । ଥାନାକୁ ବାରମ୍ବାର ସାନିଟାଇଜ କରିବା ସହିତ ବାହାର ଲୋକ କିମ୍ବା କେହି ଅଭିଯୁକ୍ତ ଆସିଲେ ବାହାରେ ରଖାଯାଉଛି ।
ଖରା ବର୍ଷାରେ କର୍ମଚାରୀ ନିଜ ନିଜ କାର୍ଯ୍ୟ ବାହାରେ କରୁଛନ୍ତି । ଏହା ସହିତ କର୍ମଚାରୀ ମାନେ କୋରୋନା ମୃତ ଓ ଚିକିତ୍ସିତଙ୍କ ଏବଂ ସନ୍ଦିଗ୍ଧଙ୍କ ସଂସ୍ପର୍ଶରେ ଆସୁଥିବାରୁ ସମସ୍ତଙ୍କ ସୁରକ୍ଷା ଦୃଷ୍ଟିରୁ ଏବଂ ସଂକ୍ରମଣକୁ ରୋକିବା ପାଇଁ ଜିଲ୍ଲା ପୋଲିସ ପକ୍ଷରୁ ଏଭଳି ପଦକ୍ଷେପ ନିଆଯାଇଛି ।
କନ୍ଧମାଳରୁ ସଦାଶିବ ପତ୍ର, ଇଟିଭି ଭାରତ
