ଫୁଲବାଣୀ: କନ୍ଧମାଳରେ ପୁଣି ଜଣେ କୋରୋନା ଯୋଦ୍ଧା ପୋଲିସ କନେଷ୍ଟବଳଙ୍କ କୋରୋନାରେ ମୃତ୍ୟୁ ହୋଇଛି । ଦାରିଙ୍ଗବାଡ଼ି କୋର୍ଟରେ କାର୍ଯ୍ୟରତ କନେଷ୍ଟବଳ ବାଳି କହଁରଙ୍କ କୋରୋନାରେ ବୁଧବାର ମୃତ୍ୟୁ ହୋଇଛି । ବାଲିଗୁଡ଼ା ଥାନା ପରିସରରେ ତାଙ୍କୁ ରାଷ୍ଟ୍ରୀୟ ସମ୍ମାନ ଦିଆଯାଇଛି ।
ପୋଲିସ କୋଭିଡ ଯୋଦ୍ଧାଙ୍କ କୋରୋନାରେ ମୃତ୍ୟୁ
ବାଲିଗୁଡ଼ା ଉପଜିଲ୍ଲାପାଳ ଶୁଭଙ୍କର ମହାପାତ୍ର, ଏସପି ଭିନିତ ଅଗ୍ରୱାଲଙ୍କ ସମେତ ଅନେକ ପୋଲିସ ଅଧିକାରୀ ଓ କର୍ମଚାରୀ ତାଙ୍କ ମରଶରୀରରେ ପୁଷ୍ପଗୁଚ୍ଛ ଦେଇ ଶ୍ରଦ୍ଧାଞ୍ଜଳି ଜଣାଇଥିଲେ । ଦୀର୍ଘ 34 ବର୍ଷ ଧରି ସେ ପୋଲିସ୍ ଚାକିରିରେ ଥିଲେ । କିଛି ଦିନ ଧରି ଅସୁସ୍ଥ ହେବା ପରେ ତାଙ୍କୁ କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ଜିଲ୍ଲାର ଚତୁର୍ଥ ପୋଲିସ୍ କୋଭିଡ ଯୋଦ୍ଧା ଭାବେ ତାଙ୍କର ମୃତ୍ୟୁ ହୋଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
