ଫୁଲବାଣୀ: କନ୍ଧମାଳରେ ଚାଷୀଙ୍କୁ ବର୍ଷା ପ୍ରହାର । ପ୍ରଥମେ ବର୍ଷାର ଲୁଚକାଳି ଖେଳ ଆଉ ଏବେ ବର୍ଷା ବିତ୍ପାତ ଚାଷୀଙ୍କ ମୁଣ୍ଡ ବିନ୍ଧାର କାରଣ ପାଲଟିଛି । ବର୍ଷାପାଣି ଏକର ଏକର ଜମିରେ ଚରି ଯିବା କାରଣରୁ ବ୍ୟାପକ ଫସଲ ନଷ୍ଟ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା,କନ୍ଧମାଳ
ଚଳିତ ବର୍ଷ ଜୁନ୍ଓ ଆଷାଢ ମାସରେ ହଠାତ୍ ବର୍ଷା ଉଭାନ ହୋଇଯାଇଥିଲା । ଫଳରେ ଅଧାରୁ ଅଧିକ ଜମି ଫାଟି ଆଁ କରିଥିଲା । ଯାହାକୁ ନେଇ ଚାଷୀକୂଳ ହତାଶ ହୋଇଥିଲେ । ହେଲେ ଗତ ସପ୍ତାହରେ ହୋଇଥିବା ବର୍ଷାରେ ଏକର ଏକର ଜମିରେ ବାଲି ଚରିଯାଇଛି । ଫଳରେ ବ୍ୟାପକ କ୍ଷତି ହୋଇଛି । କୃଷି ବିଭାଗ ସୂଚନା ଅନୁସାରେ, ବର୍ତ୍ତମାନ ସୁଦ୍ଧା 5ଶହ ହେକ୍ଟର ଚାଷଜମି ନଷ୍ଟ ହୋଇଛି । ଏପଟେ ସରକାରୀ ସହାୟତା ପାଇଁ ଚାଷୀ ଦାବି କରିଛନ୍ତି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
