ଫୁଲବାଣୀ: କନ୍ଧମାଳ ରାଇକିଆ ଥାନା ଅନ୍ତର୍ଗତ ବାକିଙ୍ଗିଆ ଗ୍ରାମ ନିକଟରେ ପଲସର ବାଇକ ଦୁର୍ଘଟଣାଗ୍ରସ୍ତ । ଘଟଣା ସ୍ଥଳରେ ଦୁଇ ଜଣ ବାଇକ ଆରୋହୀଙ୍କ ମୃତ୍ୟୁ ଘଟିଥିଲା ବେଳେ ଆଉ ଜଣଙ୍କ ଫୁଲବାଣୀ ଡ଼ାକ୍ତରଖାନାରେ ମୃତ୍ୟୁ ହୋଇଛି । ତେବେ ୩ ଜଣ ଯୁବକ ବାଇକରେ ଜି ଉଦୟଗିରିରୁ ରାଇକିଆକୁ ଆସୁଥିବା ବେଳେ ବାକିଙ୍ଗିଆ ଗ୍ରାମ ପ୍ରଧାନ ଢ଼ାବା ନିକଟରେ ଭାରସାମ୍ୟ ହରାଇ ଦୁର୍ଘଟଣା ଘଟିଥିବା ଜଣାପଡ଼ିଛି ।
ସଡକ ଦୁର୍ଘଟଣାରେ ଚାଲିଗଲା ୩ ଜୀବନ
ମୃତ ୩ ଯୁବକ ହେଲେ ଭାଲିଆପଡ଼ା ଗ୍ରାମରର ଅଭିଷେକ ନାୟକ, ପାଜିମାହା ଗ୍ରାମର କିରଣ ପ୍ରଧାନ ଓ ଟିକାବାଲି ଅଞ୍ଚଳର ଅମିତ ଦିଗାଲ। ଏପଟେ ସୂଚନା ପାଇ ଘଟଣାସ୍ଥଳରେ ରାଇକିଆ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
