ଭବାନୀପାଟଣା : ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ନିଶାଦ୍ରବ୍ୟ କାରବାର । ବିପୁଳ ପରିମାଣର ବିଦେଶୀ ମଦ ଜବତ କରାଯିବା ସହ ୪ ଜଣଙ୍କୁ ଗିରଫ କରାଯାଇଛି । ଏହାସହ ଅଧିକ ତଦନ୍ତ ଜାରି ରଖିଛି ପୋଲିସ ।
ସୂଚନା ଅନୁସାରେ କଳାହାଣ୍ତି ଜିଲ୍ଲାର କେସିଙ୍ଗା ସହରରୁ ପଡୋଶୀ ଜିଲ୍ଲା ବଲାଙ୍ଗୀରର ଟିଟିଲାଗଡ଼ ଅଞ୍ଚଳକୁ ମଦ ଚୋରା ଚାଲାଣ ନେଇ ବିଶ୍ୱସ୍ତ ସୂତ୍ରରୁ ଖବର ପାଇଥିଲା ପୋଲିସ । ଜିଲ୍ଲା ଏସପି ଶ୍ରବଣ ବିବେକଙ୍କ ନିର୍ଦ୍ଦେଶ କ୍ରମେ କେସିଙ୍ଗା ପୋଲିସ ଚଢାଉ କରିଥିଲା । କେସିଙ୍ଗା ତେଲ ନଦୀ ବ୍ରିଜ ନିକଟରେ ଚଢ଼ାଉ କରି ବିପୁଳ ପରିମାଣର ବିଦେଶୀ ମଦ ଜବତ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ କରିଥିଲା ।
ଏହାବି ପଢନ୍ତୁ : ସାମ୍ବାଦିକଙ୍କୁ ଆକ୍ରମଣ ଘଟଣା: ୨୦ରୁ ଊର୍ଦ୍ଧ୍ବ ଲୋକଙ୍କୁ ଉଠାଇନେଲା ପୋଲିସ
ସେମାନଙ୍କ ଠାରୁ ୪ ଟି ମୋବାଇଲ ଫୋନ ଓ ଚୋରା ଚାଲାଣରେ ବ୍ୟବହାର ହେଉଥିବା ଏକ କାରଟିକୁ ମଧ୍ୟ ଜବତ କରିଛି ପୋଲିସ। ଗିରଫ ଅଭିଯୁକ୍ତମାନେ ହେଲେ କେସିଙ୍ଗା ଅଞ୍ଚଳ,ସଞ୍ଜୟ ନାଗ,ଉପେନ୍ଦ୍ର ସାହୁ,କୃପା ସୁନାନୀ ବୋଲି ଜଣାପଡିଛି । ପୋଲିସ ଏନେଇ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
କଳାହାଣ୍ତିରୁ ଅଜିତ ସିଂ, ଇଟିଭି ଭାରତ
