ଭବାନୀପାଟଣା: କଳାହାଣ୍ଡି ଜିଲ୍ଲା ଦକ୍ଷିଣ ବନଖଣ୍ଡ କରଡ଼ାପଦର ବିଟର ରାଣୀବାହାଲି ଜଙ୍ଗଲରୁ ଏକ ମାଈ ହାତୀର ମୃତଦେହ ଉଦ୍ଧାର । ବନ ବିଭାଗ ପକ୍ଷରୁ ଜାରି କରାଯାଇ ଥିବା ପ୍ରେସ ବିଜ୍ଞପ୍ତି ଅନୁଯାୟୀ ସ୍ଥାନୀୟ ସୁରମୁଣ୍ଡି ଗାଁର ଦାନ ମାଝୀ ନାମକ ଜଣେ ଅଭିଯୁକ୍ତ ହାତୀକୁ ହତ୍ୟା କରିବା ପରେ ୨ ଟି ଦାନ୍ତ ଚୋରି କରି ଘରେ ଲୁଚାଇ ରଖିଥିଲା ।
ଯାହାକି ବନ ବିଭାଗ ତଦନ୍ତ ସମୟରେ ଉଦ୍ଧାର କରିଛି । ସେପଟେ ମୃତ ହାତୀର ବ୍ୟବଚ୍ଛେଦ ସହ ମୃତ୍ୟୁର କାରଣ ଜାଣିବା ପାଇଁ ମୃତ ହାତୀର ନମୁନା ଭୁବନେଶ୍ୱର ଓୟୁଏଟି ଲ୍ୟାବକୁ ପଠା ଯାଇଛି ।
ରିପୋର୍ଟ ଆସିବା ପରେ ହାତୀ ମୃତ୍ୟୁର କାରଣ ସ୍ପଷ୍ଟ ହେବ । ତେବେ କଳାହାଣ୍ଡି ଜିଲ୍ଲାରେ କ୍ରମାଗତ ଭାବେ ହାତୀ ମୃତ୍ୟୁକୁ ନେଇ ପରିବେଶ ପ୍ରେମୀ କ୍ଷୋଭ ପ୍ରକାଶ କରିଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
