ଭବାନୀପାଟଣା: ଟ୍ରକ ଧକ୍କାରେ ୨ ବାଇକ ଆରୋହୀଙ୍କ ମୃତ୍ୟୁ । କଳାହାଣ୍ଡି ଜିଲ୍ଲା କେସିଙ୍ଗା ସହରରେ ଘଟିଛି ଏହି ସଡକ ଦୁର୍ଘଟଣା । ଏହି ଦୁର୍ଘଟଣାରେ ଦୁଇ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି ।
ଟ୍ରକ ଧକ୍କାରେ ୨ ବାଇକ ଆରୋହୀ ମୃତ, ଡ୍ରାଇଭର ଘଟଣାସ୍ଥଳରୁ ଫେରାର
ସୂଚନାମୁତାବକ, ଗୋଟିଏ ବାଇକରେ ୩ ଜଣ କେସିଙ୍ଗାରୁ ନିଜ ଗାଁ ଲଟକାବାହାଲିକୁ ଯାଉଥିବା ବେଳେ ଏକ ଧାନ ବୋଝେଇ ଟ୍ରକ ଧକ୍କା ଦେବାରୁ ଘଟଣା ସ୍ଥଳରେ ହିଁ 2ଜଣଙ୍କର ମୃତ୍ୟୁ ହୋଇଛି । ତେବେ ଜଣେ ଗୁରୁତର ବ୍ୟକ୍ତିଙ୍କୁ କେସିଙ୍ଗା ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ମୃତକ ବ୍ୟକ୍ତିମାନେ ହେଲେ ଲଟକାବାହାଲି ଗାଁର ଡେଙ୍ଗ ଭୋଇ ଓ ଗାଡ଼ ମାଝୀ । ଗୁରୁତର ବ୍ୟକ୍ତି ଜଣକ ଲଇତରା ଗାଁର ରାମ ଭୋଇ ।
ଦୁର୍ଘଟଣା ଘଟାଇ ଥିବା ଟ୍ରକ ଡ୍ରାଇଭର ଘଟଣାସ୍ଥଳରୁ ଫେରାର ଥିବା ବେଳେ ଖବରପାଇ ଘଟଣାସ୍ଥଳରେ କେସିଙ୍ଗା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
