ଭବାନୀପାଟଣା: ଅଧ କ୍ୱିଣ୍ଟାଲ ଗଞ୍ଜେଇ ଜବତ ସହ ୩ଜଣ ଗଞ୍ଜେଇ ମାଫିଆଙ୍କୁ ଗିରଫ କଲା କୋକସରା ପୋଲିସ । କୋକସରା ପୋଲିସ ଟେମରା ମଦଭାଟି ଛକ ନିକଟରେ ପେଟ୍ରୋଲିଂ କରୁଥିବା ସମୟରେ ଏକ ବୋଲେରୋକୁ ସନ୍ଦେହ କରି ଅଟକାଇବାକୁ ଚେଷ୍ଟା କରିଥିଲା । କିନ୍ତୁ ଗାଡ଼ିଟି ନଅଟକି ଦ୍ରୁତଗତିରେ ଖସିଯିବାକୁ ଚେଷ୍ଟା କରୁଥିବା ବେଳେ ପୋଲିସ ଗାଡିଟିକୁ ପିଛା କରିବାରୁ ସିର୍ଲିଗୁଡା ଟେମେରା ଭାଟି ଛକରେ ଡ୍ରାଇଭର ଗାଡ଼ିଟିକୁ ଛାଡି ସେଠାରୁ ଫେରାର ହୋଇଯାଇଥିଲା ।
ଅଧ କ୍ୱିଣ୍ଟାଲ ଗଞ୍ଜେଇ ଜବତ ସହ ୩ ଅଭିଯୁକ୍ତ ଗିରଫ
ଫଳରେ ଗାଡ଼ିରେ ଥିବା ୩ ଅଭିଯୁକ୍ତକୁ ଗିରଫ କରିଥିଲା ପୋଲିସ । ଗିରଫ ୩ ଅଭିଯୁକ୍ତ ହେଉଛନ୍ତି କୋରାପୁଟ ଜିଲ୍ଲା ପାଡୁଆଗାଁର ଭିକାରୀ ଖରା, ଗୋବିନ୍ଦ ପୂଝାରୀ , ଶଙ୍କର ରାଓ କୁଡ଼ା ବୋଲି ଜଣାପଡିଛି । ଗିରଫ ଅଭିଯୁକ୍ତ ମାନଙ୍କ ଠାରୁ ପ୍ରାୟ ଅଧ କ୍ୱିଣ୍ଟାଲ ଗଞ୍ଜେଇ ଜବତ କରିବା ସହ ଗଞ୍ଜେଇ ଚାଲାଣରେ ବ୍ୟବହୃତ ବୋଲେରୋକୁ ଜବତ କରିଛି ପୋଲିସ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
